ADVERTISEMENT

This area is available for advertisement. Please contact for details.

Arnivang
Get Adobe Flash player

Sika 1000 crore atangka Minorities apharman CM kapangdak

Untitled Guwahati, Matijong 13: Moning Assembly kilik apharman Assam Congress unit atum Barpeta along AICC vice president Rahul Gandhi kedo ahut Bhomti arni pen campaign aphan sai deng. Party asongja atum Barpeta Satra pen Medhirtari an Gandhi pen-pen padayatra dam.
Aphi Medhirtari High School pathu aklam along rat amai kapado ahut longri arlo kedo minority atum aphan kapachingthur apharman Sika 1,000 crore a package kipiji pusi Assam Chief Minister Tarun Gogoi pangdak. Prapjin pen pachunpo puta chechak. Kadure arat aphan kangthur ke ‘raj dharma’ lo pusi Gogoi ningje. Longri arlo kado-kave anat ta kapachingthurji aphan klemji pusi CM ningje.
BJP, RSS lapen Bajrang Dal atumke monit hejan angbong kapachelang seletji aphansi lam kapachethang pusi Chief Minister arbok. Khei-khei angbong kapacharvo abidi keklem pen kevangji assembly kilik kachepahaiji puke pachun longle. A dhorom tin aphanta Congress ke kelang kachingbar pusi Gogoi ningje. Kadure arat an aphansi keklempi kangtung. Isi akhei aphan langchot pu kali pusi pu.
Kedamtang longri arlo langkethe ahut PM Modi nangkahumri thekthe aphuthak ta Modi Government aphan lam arbok. “Kindu kithi ahutke, alangtum nangkhamkhe dun do, seta Assam arlo monit kithi ahut ke latum nangdo dunjoi pusi Gogoi ningje.

Leave a Reply

Your email address will not be published. Required fields are marked *

December 2015
M T W T F S S
« Nov   Jan »
 123456
78910111213
14151617181920
21222324252627
28293031  
Archives