ADVERTISEMENT

This area is available for advertisement. Please contact for details.

Arnivang
Get Adobe Flash player

Prof. U.B. Pandey aphan Chaganlal Jain anong-eh kapanong

Diphu, Matijong 12: NE ahavar kedo Mawari Yuva Manch atum pen Chaganlal Jain anong-eh Diphu angkang ketok kelang ahin ardi kedo klong Prof. Uday Bhana Pandey aphan pajirji. Tezpur along Matijong 25 arni ningkan kethom pen ephong kangni Mawari Yuva Manch a conference alongsi bangso anong-eh pajirji. Laso anong-eh sika 11,000 lapen kaprek kaprek ason amung pen archoji.
Laso ahut Marwari Yuva Manch pe kapajir pon bom Chaganlal Jain Award ateng ketok kelang ahin prof. Pandey, Jyoti Prasad Agarwala Journalism anong-eh Guwahati along kedo Amarjyoti Bora lapen Ashok Modi Award rat asai keklem anong-eh anong-eh Debashis Sarma aphan pajirji.
Diphu Government College along English a Subject kethan Prof. Pandey, alangli inut ketok kelang ahin kethekser abangphu binong. Alangli Diphu Govt. College along principal anghoi sang det aphi English lapen Hindi alam pen penang an kitap tok lo.
Prof. Pandey pen ketok ‘A collection of Karbi folk stories’ tang-etsi Sahitya Academy atum pen ingpuji dapprangpo. Lason thakthak Karbi a tokbang atum pen kaprek kaprek atemoso kapangrum asai alangli klembom lahai alangli kapangrum atemoso heihui Sahitya Academy atum pen paklangpo.
Karbi aketok lapen temo barim heihui ketok aphuthak Professor Pandey kaningje ke, Ketok kelang atum pen About his work on Karbi writings and folk stories, the professor said it is to take literature from ketok kelang ahin kapangdang ason lo, seta ardi kedo binong lapen det adang pachethang dun nangpo.
Karbi Anglong arlo kethurmi atoklang atum aphan alangli kethan ke, ketok kelang ahin tong nangne kaike chepaningding nangji. Karbi Anglong arlo kedo akimi atoklang atum acho kedo atumsi ke-ong pusi alang ningje.

Leave a Reply

Your email address will not be published. Required fields are marked *

December 2015
M T W T F S S
« Nov   Jan »
 123456
78910111213
14151617181920
21222324252627
28293031  
Archives