ADVERTISEMENT

This area is available for advertisement. Please contact for details.

Arnivang
Get Adobe Flash player

Meiphu Suren Kramsa, Dun meiphu Chitra Kr. Bey pen Hukursing Rongpi

2016-18 ningkan hini apharman KLA meiphu pen dun meiphu kilik

Untitled Diphu, Matijong 12: Karbi Lammet lamchong kapachan mate kangthurji aphan kachepatirpi Karbi Lammet Amei (KLA) non kevangji 2016-18 ningkan hini apharman puthot kechari kachalon pamekaji aphan pini meiphu pen dun meiphu arpu aphan killik pado. KLA Tiripi asaihem along KLA tiripi klembang do-an anparta longri tin aro arim pen banghini ni aphan vote kapajok pensi bangphu ingvai. Lammetpo Lunse Timung pen KCS a meiphu Chandrasing Kro atum aphan kepek killik kelang chari (Returning officer) asai angdeng along Kechengsi Meiphu anghoi aphan killik kachedan dunji bangphu/phi (candidate) angbong killik chedan laso kachedan along kadokave bang 23 atum amen klangdunlo bonta Suren Kramsa, Sikari Tisso lapen Sing Kro atum vote kelong ke-ong munak ajok alanglitum bangkethom angbongsi Meiphu arpu aphan kilik pachedan thulo. Bang 46 abangphu/phi atum vote kejok angbong pen Suren Kramsa kadokave vote pak -34 chepalong dunsi 2016-18 ningkan hini apharman Meiphu kimi arpu denglo. Halapu Sikari Tisso vote pak-10 lapen Sing Kro vot pak 2 chepalong dun.
Dun meiphu hini anghoi kapanong along kechengsi dun meiphu aphan killik kachedan ahut Chitra kr. Bey kadokave vote pak- 24 chepalong dun. Sikari Tisso vote pak- 14 lapen Hukursing Rongpi vote pak- 3 ansi chepalong dun un chotlo adonthu dun meiphu killik kachedan alongke Hukursing Rongpi vote pak- 26,  Sikari Tisso vote pak -12  lapen Barim Ingti vote pak 4 ansi chepalong dun unchotlo. Dun meiphu inghoi hini kapanong along Chitra kr. Bey pen Hukursing Rongpi atumsi 2016-18 aningkan apharman dun meiphu arpu deng lo.
Sankur Chunbang arpu aphanke nangkeleji KLA amaipi ahutsi ingvaiji

Leave a Reply

Your email address will not be published. Required fields are marked *

December 2015
M T W T F S S
« Nov   Jan »
 123456
78910111213
14151617181920
21222324252627
28293031  
Archives