ADVERTISEMENT

This area is available for advertisement. Please contact for details.

Arnivang
Get Adobe Flash player

Karbi Anglong 10,434 sq Km alongle dolang ma?

Untitled Diphu, Matijong 11: Karbi Anglong alongle adang kado kave 10,434 Sq km pusi bohi-kitap alongsi dochot asonsi mantang lo. Karbi Anglong Autonomous Council kachari atum ahoi kacheraikom dun thekthe det ajoine Karbi Anglong-Nagaland ahoi along Naga atum longle nang kepet. Halapu Karbi Anglong lapen Meghalaya ahoi along Khasi Jaintia atumta nangpet lo.
Golaghat, Nagaon, Hojai heihui a district atum asap asap longle nangpetsi penang an Karbi Anglong alongle akaprek atum nang cherai det lo.
Karbi Anglong Autonomous Council atum kacherai dunthekthe det ajoine Karbi Anglong alongle aphi-ong jum ong asonsi man lo. Laso non lampame pulote Karbi Anglong alongle 9,000 sq km anbaksi kedo chotji angring do. KAAC atum jongsi chelang dunde lapen cherai dunde bom lang pulote la-an sose Karbi Anglong alongle kijumji angring do lang.
Halapu kedamtang ningkan hini aprang malom pen lamki kedo Karbi Anglong-Nagaland ahoi along kedo Karbi Anglong alongle aphong aphong Naga atum nang kacheraiji aphan bor-i lo. Seta hamphang asong lapen District Administration anparta KAAC forest asaikam atum kacherai dunthip ajok Naga atum Jakong pen longle nang kacheraiji kabor-i chunche det lo.
Jakong pen longle nang kacherai kichunche det ajoine, Naga atum Court aphansi chirip dam lo. Hin-hin govt. Angbong angthek chepaklang seroi lo, seta laso aphuthak Karbi Anglong kachari kethe kiding lapen hamphang asong atum ardi endun dedet asonsi thek long.
Halapu angkrak pen birta kelong dun ateng pulote non kevangji 2016 aningkan kecheng achiklo malom Karbi Anglong pen Nagaland ahoi alamki aphuthak Supreme Court pen lamrai pipo. Kopi alamrai si India Supreme Court pen piji birta long chini dunde lang.
Supreme court alamrai jongsi Nagaland aphan pirong pulote Dhansiri, Daladali anparta Lahorijan heihui ahavar Nagaland along lutchot po. Lason jongsi mandet pulote Karbi Anglong alongle kijum aphuthak la-an sose jumthupo pusi ajahak kacheroktok abangphu atum pherangke athengno ningje. Lasi Karbi Anglong Autonomous Council pen Karbi Anglong kedo ke-ongdung hamphang asong ardi endun pen kelang chari dun kenangsot binong lo puta kacheroktok arat atum ningje.

Leave a Reply

Your email address will not be published. Required fields are marked *

December 2015
M T W T F S S
« Nov   Jan »
 123456
78910111213
14151617181920
21222324252627
28293031  
Archives