ADVERTISEMENT

This area is available for advertisement. Please contact for details.

Arnivang
Get Adobe Flash player

Session boycott si Pramila Rani Brahma kachesong, Karbi Anglong MLA bang pli ingsam dunri

Ni pho apharman Assembly Winter Session kijut

Guwahati, Matijong 11: Matijong niphai 6 arni pen kapangcheng Assam Assembly Winter Session pini ingsamjin pensi pachun lo. Pini kapajutsi arni opposition asong BJP, AGP lapen AIUDF MLA atum Congress asong kachopanglim pen chenglok ason-ason keklem-kedam kechokche aphuthak Session along pangdak dunsi Congress aphan kamatha kisung arvak hupji pu aphan chisik lo, bonta ha kijut ke Opposition MLA atum kamatha ason chekok vangve det lo lapen BJP akimi aban pangrumpet MLA bang 14 atum ke Session kangni esek do dun longle det lo. Lason amat non aphong a Session ke ingsamjin pensi pajut long lo.
Pini Session kapajutsi arni anta Opposition MLA atum Congress asong aphuthak kachesong kapar-om asai dengde. Supplementary question alongsi BPF a MLA Pramila Rani Brahma Session arlo hur pacho. AGP MLA Phani Bhusan Choudhury ta MNREGA scheme karju alamthe Pramila Rani Brahma karju alamthe pen kacheraplok aphuthak MLA Pramila Rani Brahma Speaker Pranap Gogoi aphan hukum chohang lo, bonta Pramila Rani Brahma aphan karju apor kipipe det ajok MLA Brahma ning kipung chepaklangsi IAY pen MGNREGA scheme aphuthak neli sorkar pen chini ingtung duk seta Speaker abang neliphan supplementary question karjuji aphan avarsai nangkipipe det ke neliphan Session arlo ardi nangkipipe det ason lo. Neli ta inut senior MLA lapen Session along kethek-kere ke nangliphan ke neli nanglit mulang pu MLA Pramila Rani Brahma Session boycott si kachesong asai deng.
Pini Session along PWD minister Ajanta Neog pen 2014-15 aningkan apharman Assam PWD asaikam ningkan esek administrative a report lapen power minister Rockybul Hussain 2013-14 aningkan apharman Distribution Company Limited 11th report heihui Session along paklang lo.
Karbi Anglong a MLA bang pli; Khorsing Ingti, Bidyasing Ingleng, Dr. Mansing Rongpi lapen Klengdoon Ingti atum ha Session kecheng pen kijut an lam ethe ta ningdun vangve.

One Response to Session boycott si Pramila Rani Brahma kachesong, Karbi Anglong MLA bang pli ingsam dunri

  • lahenlo t korte lapen ingjir atum etum kachetoi dun tum k amethang apok lapen ale aphansi chematha chot, Karbi akhei lapen Karbi Longri aphan k lam ethe ta ningje dun hei vangve lapen thekthe.
    Lason amonit tum phan elitum puthot pahai c langma?????????
    Ningduk viklo

Leave a Reply

Your email address will not be published. Required fields are marked *

December 2015
M T W T F S S
« Nov   Jan »
 123456
78910111213
14151617181920
21222324252627
28293031  
Archives