ADVERTISEMENT

This area is available for advertisement. Please contact for details.

Arnivang
Get Adobe Flash player

Matijong 16 arni ghonta 12 Assam pen Tripura ingkirji: NFNS

Untitled Diphu, Matijong 11: Ajirdingklui pen rat akar-i state kehang aphuthak government atum kapachunche rek ajok non kevangji Matijong 16 arni All Bodo Students Union, Joint Action Committee for Autonomous State, Indigenoue Forum of Tripura, All Dimasa Students Union, Dimasa People Council, People’s Joint Action Committee for Bodoland Movement lapen National Democratic Front of Bodoland atum pen ghonta 12 Assam pen Tripura state hini kangkir kepha.
Pinpurme, India along kaprek-kaprek akhei barim atum hemprek akemang along aphong-aphong Bharat kachari atum kepachunche pipe det ajok Paipai 11 pen 12 arni Delhi arongsopi along NFNS atum pen Dharna ingni lo. Sonsi Assam pen Tripura alongri along Chiti achiklo armu kachejeng asai ta deng lo. Pre achiklo National Highway Blockade asai deng lo lapen Phaikuni 14 pen 15 arni Delhi rongsopi along armu kachejeng asai ta deng lo. Seta NDA asorkar atum bangso aphuthak ano kacheden dedet ajok All Bodo Students Union, Joint Action Committee for Autonomous State, Indigenous Peoples Forum of Tripura, All Dimasa Students Union, Dimasa Peoples Council, People Joint Action Committee for Bodoland Movement, National Democratic Front of Bodoland (P) atum chelangpet pen Matijong niphai 16 arni Assam pen Tripura state hini along ghonta 12 kangkir pha lo. Kangkir kepha arni Medical, Meh-rihing, Media, Milk Supply, School, pangri-pangdon a gari heihui aphan pajok pon lo.
Jongsi government atum prapjin pen hemprek akemang pachunche pulote chetopak pen ghonta 100 kangkir phaji lapen arni hothe pin pen bang suri 50 arat atum pen Hunger Strike dengji, anparta, ghonta 100 apharman Railways Blockade asai dengji. Laso ahut kopene akahenodak dokok pulote song aphan adai pilongle pusi pachini.
Pherangke amai along JACAS chief convenor Bijoy Teron, Monoj Teron, KSA bidisar barim Bidyasing Teron, KFA ameiphu Samsing Hanse lapen KSA ameiphu Leeon Ingleng atum chetong dun.

Leave a Reply

Your email address will not be published. Required fields are marked *

December 2015
M T W T F S S
« Nov   Jan »
 123456
78910111213
14151617181920
21222324252627
28293031  
Archives