ADVERTISEMENT

This area is available for advertisement. Please contact for details.

Arnivang
Get Adobe Flash player

KVK along World Soil Day katalon

Untitled Diphu, Matijong 5: Pini kaprek-kaprek adim along World Soil Day katalon ason thak thak Diphu along ta Agriculture asaikam kaparlo Krishi Vigyan Kendra (KVK) along talon dun.
KVK a Project Co-ordinator Dr. Akhil Deka kachepahemphu amai along District Agriculture Officer, Mohesh Rajbongshi, Chief Scientist Ashutosh Roy, Scientist atum Romen Sharma pen Untitled Utpal Borthakur, Asstt. Director Horticulture N. Doley atum chenglok ongdung man kedo abangphu atum chetong dun.
World Soil Day katalon amai along kado kave bang 250 sose sai katiki atum aphan kachetong dun alohi atum arideng pen Soil Health Card pajir. Sai katiki abangphu atum aphan Soil Health akenangsot, det adang kedo amonit atum aphan Voter ID akenangsot ason thakthaksi Soil Health Card ta sai katiki atum aphan akenangsot binong pusi mai along kachetong dun alohi atum than.
Hako akai pen non akai anta longle akenang thetan binong. Laso ajok isivet alongle alongsi hako pen sai tiki lo lapen non ta bangso alongle alongsi sai chotiki bom lo. Laso apotsi longle aho-or anta ingsip-phak lo. La-an chot kali monit atum arni vangsi aphai ta nangbat lo seta longle ke ephong atengsi do. Laso ajok ke-en me alongle aphai jumpik khangjang lo. Elongvet alongle along sek-ni pen sek thom sai tiki asai klem nangpo. Jongsi laso alongle esekvet si klemchot pulote kevangji arni kechoji aphan anta kasiksak dokok tahai. Lasi lahai along kapamesenji aphan ‘Soil Maintenance’ kenangsot pusi Dr. Borthakur mai along than.
Mai along kachetong dun sai kachotiki atum pen lapuson longle akenangsot lapen longle kapamesen verji aphan kachethan-kachimun amai pado bom nangji. Lason amai along la-an sose sai katiki arat atum chetong dunsi lahai alam arju dun nangji pusi mai along chepaklang dun rinti.
Longle mesen lote thengpi-thengprang chansi lirseng havar paman thek po. Lasi lahai asai kedengji aphan kaike ta scientist lapen sai kachotiki atum angbong kacherap-kacheto do nangji.
Halapu India Prime Minister kemang Digital India along ta lahai scientific aron pen longle kapameverji heihui alam ta parlo pon pusi sai kachotiki abangphu atum mai along pinpur dun.

Leave a Reply

Your email address will not be published. Required fields are marked *

December 2015
M T W T F S S
« Nov   Jan »
 123456
78910111213
14151617181920
21222324252627
28293031  
Archives