ADVERTISEMENT

This area is available for advertisement. Please contact for details.

Arnivang
Get Adobe Flash player

Borgaon ME School athanbang atum sai chedamde, osomar atum TC kachehang

Untitled Duar Amla, Matijong 4: Ulukunchi Block kaparlo Karbi Anglong pen minister keman dun cheng abangphu Chatrasing Teron arong Borgaon ME School along thanbang atum sai kachedam ahok kave ajok charli osomar atum kanahok.
Kedamtang 1957 aningkan kaparjap Borgaon ME School pining an ningkan 58 plengtang lo, seta ningduk meme alam ke lapu-an akeban a ME school along ningkan esek asatlang ketok aphan paper anta kave det ahut ta do pusi ajahak kacheroktok bangphu atum birta nangpale.
Pinpurme, bangso school kangpu ahut high school anta do, bonta thanbang ahok kave ajok charli osomar atum kaprek school along kacheterek et ajok aphi anke ME section ansi khang chot lo.
Non kedo lang ME school along kacharli osomar atum ta manghu prongsi do nang bom lang athe loh kacharliji aphan charli osomar atum school dun seta thanbang atum kevangve det titi ajok dam nak-naksi arnivang ta kethek long pusi havar kedo kacheroktok arat atum Thekar aphan nang pachini.
Thanbang atum school kachedamde alam Block atum chini pame, seta lahai athanbang atum aphan pini arni anta thang ta ingsaise puta havar arat atum pachini.
Lahai alam aphuthak ajahak kacheroktok abangphu atum pini Borgaon ME School along humri. Laso ahut ta bang pho thanbang angbong pen inutvet thanbang aphansi school ahem along thekdam long chot puta birta pachini.
Non ningkan kijut ahut charli osomar atum satlangpi ketokji aphan kachisik nangji apor ahut ta satlangpi aphan inghonghesi transfer certificate (TC) ke-enji aphansi inghong rong lo puta kacheroktok abangphu atum Thekar aphan nang pachini.

Leave a Reply

Your email address will not be published. Required fields are marked *

BREAKING NEWS
December 2015
M T W T F S S
« Nov   Jan »
 123456
78910111213
14151617181920
21222324252627
28293031  
Archives