ADVERTISEMENT

This area is available for advertisement. Please contact for details.

Arnivang
Get Adobe Flash player

Inut ningkan 110 arta asarpi old age pen widow pension longle pinsi arong kachevoi

Balipathar, Matijong 1: Sarupathar MAC Constituency angkang inut ningkan 110 arta kechok asarpi old age pension pen widow pension avarsai longle pin pensi arong kachevoi lo.
Hanjanglangso Bey Talot arong along kedo karlitang Bura Bey achor Kt. Kahan Rongpharpi arong chevoi tanglo lo. Alangli Phaikuni 27 arni porphai 1 apor malom alangli arta ningkan 110 chechok
ahutsi achethe kachevung. Kt. Kahan Rongpharpi asomar bang 6 atum aphan chepamo tekang lo. Alangli pirthe kedo dun bom ahut arta ningkan 110 plengdet aphi anta KAAC kachari atum old Age pension lapen widow pension heihui akerap alangliphan pipe pin lang lapen kipi thek longle lang pusi asomar atum pherangke athengno chethan.
Pinpurme, kesar apor ahut choklem-chodam thekthe pusi sorkar pen kerap avarsai dengsi old age pension, widow pension, family pension, anparta honghap-hongru, tekok-tiki, amek kave, no kangthong heihui arat aphan kapanong do. Bonta Kt. Kahan Rongpharpi arta ningkan 110 plengdet aphi anta sorkar pen kerap pipe pin lang. Bangso along ke songjapo/pi atum keklem-kedam kahenodak ajok lo pusi havar kedo arat atum chethan.

Leave a Reply

Your email address will not be published. Required fields are marked *

December 2015
M T W T F S S
« Nov   Jan »
 123456
78910111213
14151617181920
21222324252627
28293031  
Archives