ADVERTISEMENT

This area is available for advertisement. Please contact for details.

Arnivang
Get Adobe Flash player

Karbi Anglong arlo keng kacharjap un atovar dopik

Karbi Anglong arlo monit nangchan bom lo lapen kecho ason ke kadure nangthe tang lo. Athe Karbi Anglong arlo longle le thetan pen monit aphai ke bang adim pen pangbar lote jumchet puseta tangka kapavang adim kave ajok pen nang sung lo. Athe tangka kapangcho angthor; government aphan kachotonding pen akaprek atovar industry heihui ke ave det. Laso pen aphi methang abeha, pulonang hor kitun, ok kejor, phak-bi lapen vo kapangreng lapen a ok kejor lapen peh kethak-kejor pu anvet lo. Laso pen ke dorplup avoreng long un eh. Bangso ajok kachongdat athai kachori pen angtan kedam atum ta dopik lo. Lasonsi hala kacharli kedo atum ta angtansi aso-asa asai lapen asapso atangka aphansi chongdat nangkok lo. Lasonsi hala kachongdat athai kave lapen kaselet atum ke risim otsi rat aphan pasiksak lo. Lasi anuttin ta thurpak pen koson pensi kereng avarsai kachesemarji ma abang ke matha rep nangji.Non kechengsi laso kachesemar along kamatha lapen kelang nangji ke; kopi ason abeha lapen kasemar lapen kapaklangji ma bangso aphuthak tarlip pame nangji. Laso pen aphi abang ke kasemar along kenangji ason an (Raw materials) kelong joike ma kali, semar det pen kejor athai doji ma ave lapen a hithi ko an meji. Lasonsi ahormu kenangsai, kasemar kejoi, kejor kejoi, lapen ale ke-ong. Lahai lang et pensi ajat abeha lapen kasemarji lapen kapaklangji asai klemji pusetame klem nangji. Lahai lang et pen neli kipu damji abang ke ladak ili katiki hen lo kechengsi keklem nangji. Pulonang, off season ahan heihui athe lahai ahan off season ahut ke ador dopik. Lasonsi inglong arlok pen dry flower, wild flower, herbal medicine heihui kasemar lapen kiri pen kejor ta ale do-o. Laso pen aphi devak, sah, hijung, themukek, thelu, arni amir (Sun flower), heihui pen danglok ke ladak mesen. Laso aphi chepaningding un pute chandan arong ke-eh ta mesen. Laso aphi industry ahin pulote ita kithip-kapharang, pri lapen chek-kaipho pen ason-ason kasemar. Laso pen ke brick block, tovar aphan ke en inter locking block, thengpi pen ason-ason kasemar heihui pen cheng lote akethe anat a industry ta klem un po. Lason keklem ke hala amethang ki un-un chit asai amethang ateng chelangrai pensi klem pangcheng nangji. Toh lahai ke beha pulo, seta methang chepaduk krup pen keklem me ason, chu kangtip akulat, thela kangdoi, truck along karthang a labour, ason-ason a mistry asai. Lahai klem pen anuttin ta kache chongthui ave pin lapen keklem atum aphan kapasiksak dunde, pulonang keramdun. Paramre pulote kachebohang, tangka kehangdun thap, abeha along kapasiksak dun, methang hijan along kachenam heihui klem nang po. Laso pen aphi tangka kenang-o eh a beha eco-tourism, cultural tourism heihui ke advertisement pensi beha chepakam unji. Laso along kapangniji aphan ke tangka nang-o eh. Lasi non anuttin ta beha klem pen sorkar aphan choton dingdesi ra voreng avarsai kapaklang lapen Karbi Anglong a choki-chokam amo pachingthur nang po. 

Leave a Reply

Your email address will not be published. Required fields are marked *

December 2015
M T W T F S S
« Nov   Jan »
 123456
78910111213
14151617181920
21222324252627
28293031  
Archives