ADVERTISEMENT

This area is available for advertisement. Please contact for details.

Arnivang
Get Adobe Flash player

Tovar kaselam kekhang dun ahut kevan et ahormu kachethon dam

Karbi Anglong arlo Meghalaya pen tovar kaselam

Untitled Chinthong, Phaikuni 29: Meghalaya governmrnt atum Karbi Anglong alongle nang cherai bor-isi saikam asaihem nang kikim pen chenglok Jatalong War Bosti pen Malasnai adak Km 1 ½ PWD asaikam pen tovar nang selam lo.
Maghalaya governmrnt atum longle nang kacherai bor-i alam kangdak pen Karbi Anglong district administration sai dengsi magistrate PS Juhori pen Biswajit Saikia, Boithalangso CI Mukul Saikia lapen Ulunkunchi police outpost IC Adit Boro anparta Hamren police district a DSP David N. Untitled Neingai atum kejalin bang phokep sose raikom adilung atum tovar kaselam khangdunsi tovar kaselam-i ahormu do-an Ulukunchi outpost along van et lo. Seta kamanghu memenei alam ke Assam governmrnt atum alamtoi ajok kevan det alkattra a drum pen chenglok kedo-an ahormu atumi Phaikuni 28 arni chethon damthu nangkok lo.
Hormu kachethon dam nangkok aphuthak Thekar apherangke Karbi Anglong a Deputy Commissioner Mukul Gogoi pen kachingki ahut Gogoi kethan ke, kaprek state asaikam ahormu lapuson kevan det ke aron kali det. Laso ajoksi kevandet ahormu do-an chethon damthu kok lo lapen laso kachethon dam ahut tovar kaselam bom PWD asaikam atum aphan kevangji arni lapuson Karbi Anglong arlo aronre tovar nang kaselamle detji aphan ther tekang lo. Athe lapuson Meghalaya government kaparlo PWD asaikam pen nang keklem ke aronre binong. Jongsi hin-hin state governmrnt atum angbong chingki-chethan det aphi lapuson kachingthur asai nang keklem pu abang ke akaprek alam lo pusi DC Mukul Gogoi than.
Assam Karbi Anglong pen Meghalaya Jaintia district ahoi kedo Karbi Anglong alongle along Meghalaya government atum nang kacheraiji aphan kabor-i puke Karbi Anglong arlo kedo hamphang asong lapen sankur arat atum chini pame lo. Seta kangmanghu meme nei alam ke Karbi Anglong alongle Meghalaya government atum mek athengno nang cherai pidet aphi ta Karbi Anglong Autonomous Council kachari CEM, EM, MAC lapen MP, MLA atum lamthe isi kaningje dun aphan kabor-i thek longle.
Laso aphuthak Karbi Anglong arlo kedo hamphang asong atum pen ta lamthe jumhek asonsi thek long. Karbi Anglong Autonomous Council alongsi Karbi Anglong alongle lapen akhi-adat kacheraikom ajakong dolo seta non lapuson mek athengno Meghalaya atum alongle kacherai ahut ke thang asai ta deng thekthe det asonsi man lo.
La-an chot kali Karbi Anglong arlo kedo hamphang asong atum pen ta laso aphuthak ardi pidunde det asonsi thek long.

One Response to Tovar kaselam kekhang dun ahut kevan et ahormu kachethon dam

  • kopi anset a kilu abor si kelonglok lo Council kachari atum, MP,MLAs lapen Minister kachekrong abang????? Nanglitum nangli ning ingthin chelar nangpo. Nangli methang jongjung ale phan ajoine nangmethang KARBI LONGRI aphan bang pacherai det poma?????? TURAN GOGOI alam karju lobo lake!!!!! Nangli inghoi kachinghon lobo??????

Leave a Reply

Your email address will not be published. Required fields are marked *

November 2015
M T W T F S S
« Oct   Dec »
 1
2345678
9101112131415
16171819202122
23242526272829
30  
Archives