ADVERTISEMENT

This area is available for advertisement. Please contact for details.

Arnivang
Get Adobe Flash player

Matipung sigun alongle ke Birensing Ingti ma mate Forest alongle lo?

Thengpi erong ta arjap dongde lo?

Untitled Diphu: Karbi Anglong anampi non ningkan hini-kethom aphi lote thek long athai ave lo. Akaprek adim ke jongdam jokplot lo, ladak Diphu ahithi arai Matipung kedam atovar along kedo thengpi erong ta arjap dongde lo. Tovar kedam-kevang atum ta theklong pulote manghu hakji, athe hithi arai amat thengpi erong ta arjap dong thek longle ke manghu meme asai lo. Thengpi erong ta karjap dong theklonglesi atumi niphai 30 arni pherangke abitung kahumri dam ahut inut bang hini Forest asaikhi aphan karju ahut kethan ateng ke labangso alongle aprang ke Soil Saikam alongle, seta non aphi ke Forest asaikam aphansi pidet lo lapen non amat ke Forest atumsi cheparideng bom lo. Thengpi kapakrep lap abang ke ajo apor komane pangthek thekthe atumsi pakrep lap lo seta lahai kado kave kapakreptang athengpi kelang dun chariji aphan MP Birensing Ingti abongsi Forest atum aphan nangkepachini atengsi nelitum lahai athengpi kirim-kibi asai dengbom lo pusi inut bang hini Forest asaikhi atum pachini. Kado kave chiri 150 adang alongle non kamanghu dam meme alam abang ke MP Birensing Ingti alongle ma mate Forest saikam atum alongle lo? Jongsi Forest atum alongle pulote ladak konat pensi MP Birensing Ingti angbong kachejok dun longpop lo lapen Forest atum ta kosonsi Birensing Ingti aphan angbong kejok pon lo. Kado kave rat angho penta labangso alongle ke MP Birensing Ingti alongle lapen ladak Renu Terangpi Memorial College kimji pu alamsi chethangbom lo seta a college ta ave lapen non ke thengpi erong ta ave. Inut  jung jung abangphu sorkar alongle cherai  un ma lapen Forest atum inutvet abangphu aphan sorkar alongle pi-un ma? kachini dun ateng ke labangso alongle MP Birensing Ingti kacherai detji aphan kedamtang Sum Ronghang CEM arpu kedeng ahut patta keklemji aphan bor-ilo, seta chunche det lo lapen non ta patta kacheklem detji aphan bor-i bom lo. Lasi ahokpet alam abang ke labangso alongle MP Birengsing Ingti ma mate Forest alongle lo? Forest asaikhi atum rat aphan pachini ason te meparji. Non labangso adim along thengpi kirim-kibi asai abang ke Ranger Mondol Ingleng si langdun bom pusi chini dun, lasi alangli klardak alamthe pachini asonte meparji pusi rat atum hang.

Leave a Reply

Your email address will not be published. Required fields are marked *

March 2015
M T W T F S S
« Feb   Apr »
 1
2345678
9101112131415
16171819202122
23242526272829
3031  
Archives