ADVERTISEMENT

This area is available for advertisement. Please contact for details.

Arnivang
Get Adobe Flash player

NCLP pen kacharli ahormu keron

Untitled Diphu: Thangthang 10 arni Phuloni ahithi along North Easthern Development Council for Human Resource (NEDCHR) asaihem along National Child Labour Project (NCLP) loh thanbang atum aphan charli hormu-hortar (School Materials) keron mai ingni.
NCLP-KADC ameiphu Micheal Bey kachepahemphu amai along NCLP-KADC rap-chunbang Rameswor Terang alohi kapachini apor en lapen mai kepha alamthe jai. Mai along NCLP-DC sankur chunbang Jayanta Prasad Sharma alohi aman pen chetong dun. Man-peng alohi NCLP-DC dun meiphu Mokul Ch. Borah lapen Deep Nath atum chetong dun lapen chopha pangjang alohi aman pen KUYA sankur chunbang Marlov Timung, NSUI-KADC ameiphu Dharam Teron, NCLP-KADC sankur chunbang Digen Terang, NCLP-KADC dun-meiphu Geeky Terang atum alohi aman pen chetong dun.
Kedamtang 1986 aningkan Sorkar pen pangdaksi Child Labour pavedet nangji pura 250 a district along bangso asai deng pangcheng lo. Sonsi 2006 aningkan Assam angkang along ta NCLP nangle lo. 2009-14 aningkan, Nagaon, Sonitpur, Tezpur angkang heihui along pen pangcheng lo.
Detpi angkang along arta kijum a osomar atum aphan ason-ason asai kapaklem ajok kacharli ahin paphihup lo. Lasi sorkar pen NCLP atum dengsi kidukdet keboidet a osomar atum aphan akejoi pen loh kacharli dun long avarsai long pipon lo. Kacharli dun a osomar atum aphan chiklo ejon along Sika150 atangka pi pen ningkan 3 apharman an methang account along longji. Kangpu adim along kacharli adim aphan ahormu heihui ron. Kevangji Thangthang 15-20 arni 2nd phase NCLP thanbang atum aphan loh kejokji aphan kehang do puta NCLP-KADC dun-meiphu Geeky Terang pachini. Laso asai along osomar atum aphan kecho kijun (Midday Meal) heihui avarsai do. Arta ningkan 7-14 a osomar atumsi charli dun longji. NCLP along kacharli tangdet aphi lote govt school alongsi charli dun long po. Plains ahavar along Km 3 pen lote isi a centre ingpu un lapen inglong ahavar angkang Km 2 kachehelo penta isi a centre ingpu un. NCLP along kacharli dun a osomar atum sorkar school along kacharli dun atum kali det nangji jongsi a centre tin along kahumri dam ahut sorkar school along amen kedo aosomar longlok pulote kasiksak dokokji pusi NCLP-DC Jayanta Prasad Sharma mai along jai.
NCLP a scheme Karbi Anglong ahavar along nangkele ke keboidet arta 14 pen aber a osomar atum akopai lo. Athe kacharli dunji aphan ta Sika isi ta padam nangne, tangka kapadamji kali chiklo ijon along Sika 150 longsi ningkan 3 apharman an tangka longji lapen Karbi Anglong ahavar kethekser kere ariso-ejang atum NCLP along than dunlongsi methang-methang ahem kachelangji aphan ta ajakong do po. Jongme, non akai ke voreng avarsai kelong sungpik pusi KUYA-KADC sankur chunbang Marlov Timung jai.
Karbi Anglong angkang along NCLP 1000 a centre ingpuji sita non amat 240 a centre atum aphansi hormu nang le chot lang. Laso atengsi NCLP centre ta ingpu lo.

One Response to NCLP pen kacharli ahormu keron

Leave a Reply

Your email address will not be published. Required fields are marked *

February 2015
M T W T F S S
« Jan   Mar »
 1
2345678
9101112131415
16171819202122
232425262728  
Archives