ADVERTISEMENT

This area is available for advertisement. Please contact for details.

Arnivang
Get Adobe Flash player

NFSM asang a card keron, rat aning kangsamse chepaklang

Untitled Bokajan: Non malon government pen keronbom National Food Security Mission (NFSM) a sang a card keron aphuthak Bokajan arat ningkangsamse kachepaklang alamthe pherangke rip dun long.
Ongdung arat pherangke angno kaningje rinti, Congress government nangchari lo pupen ason-ason asang a card rat aphan nangkeron thap do-olo. Setame isinat ta kithirthip puke ave det, asang keron aphongtinsi aron ta lar dun bom liji. Non keklangmi a sang a card ke inut along lin 5 asang ansi long chotji pusi pulo seta rat aphan bangso asang pador unji ma? Athe keboidet arat aphansi BPL pulo, lasi phant 75% an akerap pithek nangji. La-an chot ta kali, achiklo jon vang account along tangka suri pho-pho anbak thappi nangji, lapu-anbak klemkle pulote kiduk atum ke chingthur dun un-e lo. Non malom keron bom a sang a card ke aprang kerontang a card pen mute asang kelong jum muji. Athe ke aprang kerontang a card pen ke inut along sang lin 35 an long. Government atum aprang kedambomji kali, aphi ong arum hirthu ong lo. Monit aphan a card keron abang ke pabatbom, seta asang abang ke kapabatji kalisi aphi ong pajumthu ong lo.
Aprang ahut inut along sang lin 35 an kelong bom kemesen aphita non puthot card kimi keronthu pen ke asang kapajumthu hek aphuthak ningduk piklo pusi penang atum pherangke angno ningje rinti. Non ningkan isi aphi lote government nangchelarthu lilo, asang a card ta larthu lipo. Lasi card abang larvoive ra asang abang kapabat bomji asonte ning arong piji.
Lasi Whole Saller Consumer’s amokha inghap lapsi sang heihui Lamps atum aphan kapajir lapji aphan choningri lo. Athe laheihui WS atum ningkan 5-6 pen laheihui asang chojorsi ahem-airt lapen ador keso amotor chenam rinti lo. Lasi laheihui aphuthak prapjin pen CBI patarlip nangji puta ongdung atum pherangke angno ningjethu.

Leave a Reply

Your email address will not be published. Required fields are marked *

August 2014
M T W T F S S
« Jul   Sep »
 123
45678910
11121314151617
18192021222324
25262728293031
Archives