ADVERTISEMENT

This area is available for advertisement. Please contact for details.

Arnivang
Get Adobe Flash player

Karbi Anglong ahempi Diphu rongsopi rihing ame atot kave aphuthak APCC klembang S. Tisso ningduk kachipi

Diphu: Kedamtang penang an aningkan pen Diphu rongsopi along rihing ame atot kave ajoine rat atum lapu amatsi chechak prong. Karbi Anglong ahempi Diphu rongsopi along amat rihing ame atot kave det ke ning duk meme pusi Assam Pradesh Congress Committee (APCC) klembang Sagar Tisso ningduk chipi.
Aningkan vangta barikha apor ahut  rihing ame atot kapave det ke aron kali athe barikha apor ahutsi lang ta ke-onglo, bonta rihing ame kipi kepangkre ke keklem-kedam atum kapangkre ajok puta APCC klembang Tisso asangho pangdak. Rongsopi arlo rihing ame kave pen kacharli osomar atum, govt. asaihem, private asaihem anparta choki-chokam beha-bepar keklem-kedam atum kisung tora lo. Lasi halai akisung along Karbi Anglong arat , cheroktok asongja, thek-reset abangphu/phi lapen kedo-an asong atum thurpaksi kelang parsik dun nang po lapen kenangsot pulote sodak akachesong deng nang po pusi APCC klembang Tisso asangho pachetak. Diphu rongsopi along non malom nahok asanchom alongta ghonta 24 angbong pen ghonta 2 anta rihing ame chethor longle. Lasi  bill ta kipi nangji aron ave. Lang kave ajoinesi rihing ame pachetang un-eh det lo pusi Assam Power Minister Pradyout Bordoloi kapachethang sita non malom lang ke-ong rong rup arlo anta lang kanglum theklong, anta rihing ame kipi kapangkre ke ningduk lo pusi APCC klembang Tisso asangho pachetak.

Leave a Reply

Your email address will not be published. Required fields are marked *

August 2014
M T W T F S S
« Jul   Sep »
 123
45678910
11121314151617
18192021222324
25262728293031
Archives