ADVERTISEMENT

This area is available for advertisement. Please contact for details.

Arnivang
Get Adobe Flash player

Assam-Nagaland ahoi alam

Lahorijan along AASA, AJYCP atum tovar karangkha

Bokajan: Bokajan Sub-Division angkang Paipai niphai 16 arni dap porphai 9 apor NH-39 Lahorijan along tovar karangkha asai kedeng.
Assam Jatiyabadi Yuva Chatra Parisad (AJYCP) pen All Adivasi Students’ Association of Assam (AASA) atum chelangsi adap porphai 9 apor pen arnikangsam porphai 5 apor an NH-39 atovarpi rangkhathipsi gari-motor pacheleng longle det lo. Tovar karangkha aphuthak pherangke aphan kachethan ateng ke, non malom Assam pen Nagaland ahoi Golaghat district along Naga klempar NSCN atum adai kave arat aphan apran karmut lapen ke-ongdung arat ahem-arit che-osi kebe nangkok aphi ta Assam government atum ingsam dunri, lam marek ta kehokhe det ajoksi lapuson asai deng nangkok lo.
Jongsi Assam government prapjin pen esonbak asai dengde pulote ingtangkring pen kachesong asai dengthu lang puta AJYCP meiphu Prasanta Borah, sankur chunbang Jitu Phukon lapen AASAA, Karbi Anglong ameiphu Anil Toppo atum chingkrin.

Leave a Reply

Your email address will not be published. Required fields are marked *

August 2014
M T W T F S S
« Jul   Sep »
 123
45678910
11121314151617
18192021222324
25262728293031
Archives