ADVERTISEMENT

This area is available for advertisement. Please contact for details.

Arnivang
Get Adobe Flash player

‘Aalekhya’ ajaimek along Autonomous State aphuthak chingki-chethan

Bokajan: Bokajan Sub-division along kedo Television channel KACOM chepatirpisi Karbi Anglong Autonomous State aphuthak kachingki-chethanji aphan "Aalekhya" ajaimek paman.
KACOM News Channel MD Madhurjya Dhekiel kachepahemphu Aalekhya ajaimek along KSA ameiphu Laichan Ingleng, JACAS a chairman Khorsing Teron, United Movement for Autonomous State a convenor Amlong Ingti lapen rat asai klembang Kangther Bey atum aphansi kachingki-chethan aphan kepha.
Kachingki-chethan ahut rat asai klembang Kangther Bey pen ASDC asong kapavir det aphuthak ningduk chepaklang lapen bangso asong kivir ke mesen asongja kave det apot puta alangli jong.
Vote kejok ajakong aphuthak rat aphan kapachini kangtung lapen Karbi Anglong aphan Autonomous State kipiji aphan BJP atum kachechak ajoine kedamtang kilik ahut BJP pen kachetoi dun abangphu Joyram Ingleng aphan JACAS atum cherap dun pusi chepaklar.
JACAS atum kedamtang kilik ahut BJP aphan kacherap dunji pu alamrai kedeng ke chokche det lo athe, Jotson Bey KAAC a CEM kikhi bom ahut BJP atum amatsi Autonomous State ke pachun meme kali pu tokjir aloh pen pi-et lo.
Bangso aphuthak KSA ameiphu Laichan Ingleng kaningje ke, Karbi Anglong Autonomous State ke Karbi akhei atum aphan chot kali, lake Karbi Anglong kedo akhei tin aphan lo. Lasi UMAS atum ingsamjin pen bangso akachesong aprang pon bomji pusi Ingleng asangho ningje.

Leave a Reply

Your email address will not be published. Required fields are marked *

August 2014
M T W T F S S
« Jul   Sep »
 123
45678910
11121314151617
18192021222324
25262728293031
Archives