ADVERTISEMENT

This area is available for advertisement. Please contact for details.

Arnivang
Get Adobe Flash player

Son pli alam pen GGKSA atum KAAC CEM arideng pinpur aloh kapajir

Untitled Diphu: Jakhong 26 arni Greater Guwahati Karbi Students Association atum son pli akemang pen Karbi Anglong Autonomous Council a CEM Tuliram Ronghang arideng pinpur aloh pajir dam.
GGKSA atum pen CEM aphan kapajir apinpur aloh along kejongdun ke, prapjin pen Guwahati along Karbi girl hostel kim nangji, non kedo bom Karbi Student Boys Hostel along karnukkrung a ring tuk nangji lapen selam thuprui nangji, anparta hostel along kenangsot ahormu heihui prapjin pen paleji nangji pusi GGKSA atum pinpur aloh along jong dun.
GGKSA atum CEM Tuliram Ronghang pen kachetong ahut KAAC rap chunbang i/c hostel, Sanjay Hanse ta chetongdun.
KAAC CEM amethang amat ta Guwahati along girls hostel kikimji aphan ning kehang chepaklang. Lasi Guwahati along arloso atum kedo-kethak aboha aphan kaheman amang pining amat chun po pusi GGKSA ning chethe.
Guwahati along kedo Karbi Student Boys Hostel along akisung aphuthak prapjin pen pachun po pusi CEM lamchak pi. Suki-table, phule-phukok lapen PHE atum lang nang kapathonji asaita klem po puta CEM chechak.
KAAC CEM Tuliram Ronghang mesen alamchak kipi aphuthak GGKSA atum pen kachoro pajir pusi GGKSA pachethang chunbang Johnson Rongpi birta nangpale.

Leave a Reply

Your email address will not be published. Required fields are marked *

BREAKING NEWS
Archives