ADVERTISEMENT

This area is available for advertisement. Please contact for details.

Arnivang
Get Adobe Flash player

Karbi Anglong arlo Bangladeshi nangchepachong longle: KSYC

Untitled Diphu: Karbi Anglong arlo Bangladeshi nangpachepathop longle det nangji pu athepi alam ripsi Karbi Students’ and Youth Council (KSYC) pen Government/Private construction asai along kachongdat dun abangphu (Labour) angthek (I.D) kehang asai kai ason thak-thaksi dengthu lo.
Jakhong niphai 27 arni KSYC Tiripi Amei meiphu Bimal Rongphar, dun meiphu Rajendra Kramsa lapen ari asangho atum chelangsi bangso asai kedeng pangchengthu lo. Karbi Anglong arlo angtan pen kevang atum joike pen nangchepathop long bom alamthe ke Karbi Anglong arat chini pame. Lasi labangso asailangno kekhang thekji aphansi KSYC pen kengkam deng bom.
Bangso asai along Government/Private contractor atum KSYC along kacherap-cheto dunji aphansi ningchethe dam lo. Non amat ke nelitum Voter ID/Sarkari Gaonbura a Certificate, Age Proof Certificate (School/Birth Certificate) lapen Police Station pen police verification heihui angbong pen esonbak aloh dovek nangji. Kali pulote Labour Inspector asaihem pen epak Labour ID ensi arideng mate contrator arideng chibirepsi keme. Bangso abirta aloh pen KSYC atum kapachinithu abang ke, Labour ID kedo abangphu atum anke kai ason jong-jung asai cheklem bom ta chok. Setame Labour ID kave a Labour atum anke aso-akethe a mistry aphan tame Labour aloh avetik ke sai keklem ington nangji pusi pachetakthu.
Kevangjilang apor Karbi Anglong arlo ingsamjin, kachingthur asai keklem pen longri arlo kamesenji aphansi pini pen kachesik along abangphu/phitin lapen Government/Private a contractor atum KSYC along nangcherap-cheto dun nangji pusi KSYC sankur chunbang Johny Timung pachetak.

Leave a Reply

Your email address will not be published. Required fields are marked *

BREAKING NEWS
Archives