ADVERTISEMENT

This area is available for advertisement. Please contact for details.

Arnivang
Get Adobe Flash player

Club League kapathu angdung kiti

Untitled Balipathar: Hanjanglangso Sports Association atum kachepatirpi Club League pini Jakhong 20 arni Sarihajan Club pen Anjok Club angbong angdung kiti pathu et lo.
Angdung kiti kapathu amai along alohi sarpo aman pen Bokajan Civil Health Centre pen Dr. Monsing Rongpi, man-peng alohi Sarupathar VDC ameiphi Kadom Terangpi, BMC Hakim Rongpi, Hanjanglangso Rong Asar Amei ameiphu Kamala Kanta Bey, Indian Army Sarihajan Camp pen Subedar Mahipal Singh lapen arisangho atum anparta ongdung man-peng kedo abangphu atum chetong dun.
Ghonta 1:30 kapathu ahut Sarihajan Club pen Angjok Club atum angbong kapathu kethek kachingbarchit ajok goal chipi thekthe det lo. Minut 90 kapathu jutdet aphi tiebreaker chitur. Laso ahut Angjok Club atum goal 3 lapen Sarihajan Club atum goal pli an thap. Tiebreaker kachitur ahut Sarihajan Club atum goal kethap ke-ongmunak ajoine 2014 aningkan kapathu hai lo.
Atumi kapathu along referee ke Den Timung, Amit Puram Terang, Mongal Ingti, Obiras Borah lapen Rupsing Rongpi atumsi kangsai.
Kapathu kecheng pen non an goal kethap ke-ongnei lapen kapathu kemenei anong-eh pajir det aphi alohi sarpo aman pen kachetong dun Dr. Monsing Rongpi arideng pen kehai atum aphan nong-eh pajir lapen kerem atum aphan VDC ameiphi Kadom Terangpi arideng pen nong-eh pajirsi 2014 aningkan Hanjanglangso Sports Association atum pen kachepatirpi club kapathu pajut lo.

Leave a Reply

Your email address will not be published. Required fields are marked *

Archives