ADVERTISEMENT

This area is available for advertisement. Please contact for details.

Arnivang
Get Adobe Flash player

SIU kapavir aloh prapjin pangdak po: CM

Untitled Diphu: KAAC, DHAC, HAD, Chief Secretary, Addl Chief Secretary i/c Transport and Excise, Secretary i/c BORDER, Secretary i/c HAD, hini council aPrincipal Secrtetary lapen Assam chief minister Tarun Gogoi  atum angbong bainong kachipi kedorde, ahoi akisung lapen administration charge kapale aphuthak aron ateng mai (official meeting) kangni.
Mai along kachingvai alam do-an aphuthak chesong nang lapen pachun lonang pusi Chief Minister lamchakpi.
Ahoi along akisung pen kachepajokji aphan kethirthip BOP thikpo lapen ahoi along kacheleng atovar kaselamji aphanta tangka pipo.
Mai along isi kenangsot nei alam kachingvai ke, SIU aphuthak. Mai along KAAC CEM pensi SIU aphuthak ningje dun. Laso ahut alangli kaningje dun ke, SIU pavirpo pusi kedamtang lok sabha kilik ahut Donkamukam kilik kapachethang amai along Karbi Anglong arat aphan lamchak pi, lasi SIU pavi nangpo pusi CEM Tuliram Ronghang dun.
Laso ahut CM kaningje atengke, laso aphuthak aron ateng pangdak (official order will be out soon) po pusi mai along Tarun Gogoi ningje.
Pinpur SIU pavir nangji pusi kedamtang penang ajirkiding pen Karbi Anglong arat atum hang lo, athe SUI kedokok ajoine chokomar anghoi kachipi ajakong KAAC along ave det lo. Laso ajoine longri aphan  isi thedung akisung angthun kidipthip asonsi man. Jongsi Jakhong 19 arni kachingvai ahut CM kaningje ateng SUI pavir det pulote Karbi Anglong arat aphan akejoi van doji lapen Karbi Anglong Autonomous Council kachari congress (I) atum isi kethedung sai kedeng angthek manpo.

Leave a Reply

Your email address will not be published. Required fields are marked *

Archives