ADVERTISEMENT

This area is available for advertisement. Please contact for details.

Arnivang
Get Adobe Flash player

Japanese Encephalitis pen bang 35 kithi

Guwahati: Longri arlo pining angbong non-an Japanese Encephalitis akeso pen bang thomkep ra pho atum apran dam nanglo. Kachinidun atengke longri arlo district ingkoi ra hini adim Japanese Encephalitis a keso klang.
Pining Arkoi achiklo pen non-an Japanese Encephalitis pen Acute Encephalitis Syndrome (AES) akeso pen bang pharo-isi ra thomkep ra serkep atum apran dam.
Non amat longri arlo bang pharo-hini ra troksikep ra trok atum Japanese Encephalitis positive do pusi Ok-pran asaiphu ningje.
Bangso akeso pen kachepajokji aphan National Rural Health Mission pen State Health Department atum sai dengbomlo. Longri arlo sat kelang adim long kre-kethom bilo lapen keso avur kithur adim fogging asai ta deng lo.
Assam chief minister Tarun Gogoi, chief secretary Jitesh Khosla aphan thansi Upper pen lower Assam district angkang Japanese Encephalitis akeso keklang meme adim ok-pran kelang saikhi atum vaccination kipiji asai kedengji aphan pachini.
Longri  hospital pen health centre do-an kenangsot a dovai kapaleji aphanta Khosla aphan chief minister pachini.

Leave a Reply

Your email address will not be published. Required fields are marked *

Archives