ADVERTISEMENT

This area is available for advertisement. Please contact for details.

Arnivang
Get Adobe Flash player

Karbi Anglong-Nagaon ahoi Council asor chelangle: Pranprilangso arat

Untitled Diphu: Karbi Anglong ahoi along kedo arat akisung alam penang an abirta aloh along aphong-aphong klang lo. Lapu-an alam klang det aphi anta (KAAC) Karbi Anglong Autonomous Council pen pini arni anta ahoi keraikomji aphan sai dengde lang pusi Karbi Anglong pen Nogaon ahoi kedo Pranprilangso ahavar arat ahoi alam pen penang an akisung kachetong alamthe pherangke angno chimin.
Lumbajong MAC Constituency angkang Pranprilangso arat pen danglok, Nokhoti, Diben, Sar-ik Ronghang, Sayar Bey, Dekaram lapen Ingleng arong arat ahoi alam pen penang an kisung lapen kacharvo asai heihui klang bom lo.
Kedamtang arni aphong-aphong ahoi alam aphuthak kacharvosai lapen methang ahoi kachechini pameji aphan Pranprilangso arong asar lapen ari asangho atum ta KAAC kachari along an aphong-aphong loh kachopi abatai dolo.
Non kapajut abang ke Diphu SK pen Mondol atum amat ta Karbi Anglong pen Nogaon ahoi binong chini pameme. Govt. pen ahoi kapalang dam aphan ketoi vek Govt. amonit abitung atum le jongsi Karbi Anglong ahoi chini pameme pulote, rong atok mate inglong atok kedo arat le kosonsi kachini lang puta Pranprilangso arong asar Bey sangho ningje. Govt. asaiphu atum amat ta methang Karbi Anglong ahoi kachi chini pameme det ajok non abang ke Karbi Anglong ahoi penang an bang aso atum nang cherai lo.
Kedamtang ningkan 10 angbong KAAC kachari a Govt. atum bangso ahavar arat aphan chitim alan, hon, peh kar-om pen kaprek ke thangnat ahormu ta kipi kajir ave puta ajahak atum ningje. Bangso ahavar arat ke kijun alang kave akisung an chot ta kali, kacheleng aphan tovar, meh rihing lapen seh kachelang ahem anta ave. Pranprilangso ahavar kado-kave don 18 arat do, la-pu an arat ke-ong pen kijun alang kedamtang ASDC atum KAAC kachari ahut kipi tekang a ring alangsi pini arni anta jun bom lang puta rong asor pherangke angno chethan dun.

Leave a Reply

Your email address will not be published. Required fields are marked *

Archives