ADVERTISEMENT

This area is available for advertisement. Please contact for details.

Arnivang
Get Adobe Flash player

Ahoi along pini hem kipriji aphan police atum kachisik

Arve le jangje pulote laso asai dengvek po

Diphu: Assam Karbi Anglong-Nagaland ahoi along aronre pen Nagaland asor atum Karbi Anglong alongle nangparlosi ahem-arit kachikim lapen tovar heihui nangsemar lo. Longle nangkeparlo Naga atum aphan puthot amethang alongri Nagaland pachedamthuji aphan pini pinprele porphai 3 apor malom pen ahem-arit kipri-karplung asai dengji pusi isi angthor pen birta longdun. Laso asai kedeng along Bokajan Civil SDO lapen Dhansiri Police Out Post atum pen chenglok kaprek-kaprek thana, out post ke-ong dung police abitung chingrumsi hem kipri-karplung asai kedengji aphan chithik rinti. Hem kipri ahut areng keso atum dokok tahai, lasi ok pran kelangji aphanta Medical team chithik thai lo puta birta longdun.
Pinpurme, Assam Karbi Anglong-Nagaland ahoi along kedamtang penang an arni penta Naga akhei atum thi-reng sita Karbi Anglong alongle cherai longvek nangji pu akemang pen longle nangparlo bom lo. Palongthom Border Out Post dokok aphita Naga atum angthin chepathesi ahem-arit lapen tovar heihui nangsemar lo. Assam keton-kelang police atum pen chenglok Karbi Anglong ke-ongdung hamphang asong lapen loh charli asong atumta karangkha asai deng lo sita thangnat kichun angthek avelang.
KAAC CEM, EM, MLA lapen inut bang hini ratchari asongja anparta ahoi kelang police asaiphu atumta humri dam lo. Assam police pen Naga atum angbong risim kangtang pen kachetengkheng abatai do-oh lo lapen kachetengkheng ahut kithi-kejang areng keso atumta dolo. Voiphit sita ahoi alamki aphi -ong nang-ingdang ong ajok Assam police atum ta chechak dorsi penap ke ajat noi hem kipri-karplung asai kedengji aphan chisik lo. Jongsi penap adap apor malom arve jangdunde pulote labangso asai dengvek po pusi birta thirklong pen long.

One Response to Ahoi along pini hem kipriji aphan police atum kachisik

Leave a Reply

Your email address will not be published. Required fields are marked *

Archives