ADVERTISEMENT

This area is available for advertisement. Please contact for details.

Arnivang
Get Adobe Flash player

NDA sorkar kechari kechengsi apharman KLNLF hemprek kangthim kehangdam

Union Minister of State for home Kiren Rijiju aphan pinpur alo kapajir

Untitled Diphu: Central govt. along NDA a sorkar kevang pen kechengsi apharman KLNLF asongja atum hemprek kangthim apharman atumi Delhi rongsopi along Union Minister of State for Home Kiren Rijiju arideng pinpur aloh pajir dam. Hini inglong alongri Karbi Anglong lapen Dima Hasao arat akar-i hemprek kangthim KLNLF asong pen danglok kaprek kaprek asong lapen rat chari asong atumta kachesong akengkam ajak dingklui lo, kedamtang UPA govt. kechari ahut pusitame KLNLF asong pen phurun 8 sose hemprek aphuthak kachingvai dam etlo lapen pinpur alo ta pajirlo, sita kichunji angthek keklangkle det ajok UPA govt. aphan KLNLF asong atum ning chethe nak lo. Non puthot Central govt. along song nangchelarsi BJP Modi sorkar mate NDA sorkar ingnilo. NDA sorkar atum kheiso aphan lapen hemprek aphan ardi kipi ajoine KLNLF atum NDA a sorkar aphan ning chethe damsi kechengsi apharman KLNLF asong Karbi Anglong lapen Dima Hasao hini inglong arat akar-i hemprek kangthim aphuthak Delhi rongsopi NDA sorkar along patebok dam lo.
Atumi kechengsi arni Delhi rongsopi North Block asaihem along arnikangsam porphai 1:15 apor KLNLF asongja bangpho lapen Union Minister of State for Home Kiren Rijiju angbong ghonta ebeng hemprek kangthim aphuthak ardi dojot pen chingvai chingsaisi pinpur aloh epak pajir. Hemprek kangthim aphuthak prapjin pen kapachun daprangji aphan Kiren Rijiju ardi pisi chechak lo pusi Delhi rongsopi pen KLNLF asongja bangpho Dun meiphu Habe Tokbi, Sankur Chunbang Thong Teron, Pachethang Chunbang Rijak Dera, Home Secy. Phulok Teron lapen Dihin Chunbang Vai Bini Terang atum birta nangpale.

Leave a Reply

Your email address will not be published. Required fields are marked *

Archives