ADVERTISEMENT

This area is available for advertisement. Please contact for details.

Arnivang
Get Adobe Flash player

Nurse pen seh kachelang along kedo dun abangphi kacharvo

Untitled Diphu: Diphu Civil Hospital Maternity Ward along nurse pen inut seh kachelang along kedodun abangphi kacharvo. Kacharvo ahir kangtangrak ajoine Nurse Turulota Kakoti areng keso.
Birta kelong ateng ke, DCH along oso amahang kapathek dam Bhim Terang achor Kajir Rongpipi along Nurse Turulota Kakoti aronre tangka kehang langdun ding un-ehsi seh kachelang along kehondun abangphi Nurse pen chedan dun lo. Lam kangdang bom ajoine aphi bang hini atum areng chepaphosi Nurse Turulota Kakoti arengso nang.
Bangso aphuthak All Assam Nurse Association, Karbi Anglong aro a chunbang Juri Moni Barua kaningje ke, DCH along Nurse atum aphai kijumhek ajoine ahut pen ke kelang kapachetang tong thekthe seh kachelang atum kasiksak dokok ahut ta do. Laso ajoinesi pini Jakhong 7 arni DCH along lapuson alamki keklang pusi alangli ningje.
Lapuson alam kevangji arni kavedetji lapen nurse atum kejokvan pen methang asai kacheklem longji aphan DCH along raikom pinangji lapen laso aphuthak Police arideng lamhoi pidamji puta nurse atum ningje rinti.
Gaini delivery ward along seh kachelang atum kethan ateng ke, nurse atumta kechokche thetan khangjang, athe anuttin seh kachelangdam atum along aronre tangka kehang, ajo porphai 10 aphi lote kaiketa methang atum kedo adim along doklip po un-an le chohang damta thak abang ave lapen ahut penke aningthihak po seh kachelang atum aphan kangchek ta do pusi seh kachelangbom atum than.
Diphu Civil Hospital along seh kachelang atum aphan doctor pen nurse atum tangka kehang aron ave, athe alangli keklem asai anam govt pen chiklo abainong pibom seta DCH along nurse atum tangka kehang pasikpik puta seh kachelang bom atum pherangke atum athengno nang chethan dun rinti.

Leave a Reply

Your email address will not be published. Required fields are marked *

Archives