ADVERTISEMENT

This area is available for advertisement. Please contact for details.

Arnivang
Get Adobe Flash player

CM kachelarji angring kedo ajoine ongdung KAAC EM atum Guwahati kedam

Untitled1Untitled

Diphu: Birta kangdak ateng pini Jakhong 3 arni Assam state chief minister arpu kachelarji pu ajoine ongdung EM atum komatsi akimi CM kemanjima kachini kangtung ajoine Guwahati kapale athe CM komat lapen minister komat pu alongsi atiri do.
Kedamtang lok sabha kilik aprang pen Assam state chief minister anghoi aphan Education & Health minister Hemanta Biswa Sharma ta kehang dun pasikpik ajoine state govt. along kalinglang hir asonsi do. Laso angthek pini state cabinet atum ardi dojot amai ingni. Mai along ‘CM arpu aphuthak kachingvai ni krepho aphi ajat alamrai seta deng po’ pusi cheparai.
State govt. along arpu kachelar aphongtin ta KAAC alongta angthek keklang ver ajoine pini ongdung a EM atum methang-methang arpu kachepajok dunji lapen CM kimi pen kachepame dunji aphan pusi Guwahati pale dun rinti.
Sixth Schedule ahavar Karbi Anglong pen Dima Hasao Autonmous Council kachari ajakong state govt arideng kedo et ajoinesi state govt. along ajat asai cheplang seta inglong Autonomous Council along angthek dokok.
Congress kachari state govt. atum KAAC along kachejok dun kethepik ajoine chechak un-ehsi arpu pen kache-oh pusi CEM barim Joyram Ingleng Congress ratchari along kache-oh dun ahut ningje. Laso ateng non apor anke angthek klangdak lo. Komat aphan kopi arpu pek nangji KAAC CEM arideng ave, state Congress atum aridengsi do. CM kachelar ahut nephanta arpu pen nang pasuntuk na pu kachephereso kedo ajoinesi ongdung a EM atum Guwahati pale pusi ongdung kacheroktok arat atum chethan.
Jongsi ahok pen CM arpu chelar pen akimi CM Hemanta Biswa Sarma man pulote state govt. along penang minister arpu kachelarji angring do. Lason ahut MLA Bidyasing Ingleng pen Dr. Mansing Rongpi atum minister kelong dunji angring do.
State govt. along CM arpu kachelar pen Karbi Anglong Autonomous Council ko-an chelarji ke puthip thekthe seta asapso bak ke angthek doji lapen lason thak thak Dima Hasao Autonomous Council alongta angthek do tahai puta ajahak atum ningje.

Leave a Reply

Your email address will not be published. Required fields are marked *

Archives