ADVERTISEMENT

This area is available for advertisement. Please contact for details.

Arnivang
Get Adobe Flash player

Siloni Picnic Spot along pasa-ur longle: KSA

Untitled Diphu: Majok atum le Siloni Langso Kangthu Picnic Spot along kijui damji atum an sita ingthir-et lapen angthik jot pensi do-thak dam nangji pusi Karbi Student’s Association (KSA), Diphu Regional Committee (Mirjeng) aro pachetak. Karbi Anglong angbong pen Singhason Constituency along kedo Langso Kangthu Picnic Spot ta kelang menai lapen anong kachethang nai adim lo, lasi kado kave ta alir-acham lapen alon kapadoji aphan ke arpu dorep lo.
Lasi KSA pen penang an karju long lapen kethek dun long ta do lo, kali-li kalang-lang asai nangkachoklem atum sita do, lasi kevangji lang arni pen ke kijuidamji atum ansitame aron ateng pensi juidam nangji. Ladak monit atum langdun nodak ason ke jui longle. Kangri-kangkrang pen jume-juno kehangtap lapen sarlang   longle. Riso-ejang pen lang chinglu rappet longle, chinglu chingthiji atum sita cheprek nangji, peh-ri en eh pin pen hadak lang chinglu longle lapen hadak kijui damji atum ansitame apor ateng pensi juidam nangji lapen apor ateng pensi vangnangji pusi pachetak aloh along jong.
Pinpurme, jasemetpet ke Diphu pen kevang arta kijum ariso-ejang atumsi lapuson keklem ke-ong. Latum jirpo-jirpi chehang po hor, beer nangchonam po Siloni vang po elongvetsi riso-ejang pen hor jun rappet po anke kangri aphir-aphar chiputhek vangve pin set set anta dopik lo. Lahai api-apo atum ta kacherok tok do nangji apot lo, lasi non pen ke komatne jongsi petepek pulote methang atumsi adai che-en nangji pusi KSA Diphu Regional Committee ameiphu Raju Ingti pen sankur chunbang Sanjib Terang atum pachetak aloh pen birta pachetak.

One Response to Siloni Picnic Spot along pasa-ur longle: KSA

Leave a Reply

Your email address will not be published. Required fields are marked *

June 2014
M T W T F S S
« May   Jul »
 1
2345678
9101112131415
16171819202122
23242526272829
30  
Archives