ADVERTISEMENT

This area is available for advertisement. Please contact for details.

Arnivang
Get Adobe Flash player

Mensing Taro aphan puthot Chairman arpu pek lote Dokmoka arat ke kopai kelangno lo: PAPA

Dokmoka: KAAC kaparlo rongsopi arlo long troksi adim Town Committee Kilik padolo, bangso adim along Congress si ongdung ajakong pen hai thor lo. Lasonsi chopanglim asong aphan kanglokji pura PAPA, BJP, CPI (ML) lapen kaprek-kaprek ratchari asong chedan dun lo. Long throk a Ward pen long ni ansi PAPA atum chepalong unchot ajoksi Congress si chari thu long lo. Non adihu lethot ta Congress atum Mensing Taro aphan jongsi Chairman arpu pek thudet pulote Dokmoka arat ke amang kelangno pangching thu lipo pusi PAPA, Dokmoka Aro akoi van. Jong damme, Taro asangho Chairman kikhi esek Ward No. 6 angkang (Improvement of approach road from Lokhon Terang gaon to Buragohain via Ramsing Ingti gaon) sanction/released order no/DMA(A) 1/09 pt-1/164 dated 15th June 2010 lapen atangka ke Sika lakh throksi atangka Dokmoka rongsopi pen kelem nangji dolo. Bonta Taro asangho keklemkle det ajok pini Ward No. 6 angkang arat atum lang kethe pen pho nang lo.
    Lason thak thaksi Dokmoka arat aphan kijun alang (hand tube pump) construction and installation of hand tube pump) 76 nos at different places of Dokmoka town). Alongtin a Ward along kapaleji aphan sanction/released DMA(A)/109/2010/114 dated 25th February 2011) lapen atangka kapanong Sika lakh ingkoi atangka do. Seta pini arni anta rat atum laso alang jun longle. Jongdamme, Dokmoka erui pen ephong ahithi kapamithu aphan Ward No. 1 along atangka kapanong/kipi order no. DPU/WD-28/2008-09/154/863, dated 28th January 2009 lapen atangka kapanong ke Sika lakh phokep ando. Seta laso atangka pen pini arni rat aphan keklem asim paklang thekthe bonta buhi, kolom heihui ansi klem et lo pu paklang thek chot lo.
    Dokmoka rongsopi kapathe-ang aphan street light kado kave hong 107 do. Laso a order no. DMA(A) 111/2010/pt-11/45 dated 19th February 2011 lapen atangka kapanong ke Sika 2,35,293 atangka an do. Seta pini arni Dokmoka arat atum ajo lote kangting siring pen tovar chehelat nanglo. Congress aphan kacherap kacheto dun pen danglok Dokmoka arat anke madu ta chini hur lo puta pachinithu. Lasi non adihu ta alangliphan Chairman arpu kebat thu pulote Dokmoka atalom arat ke kisung pensi chechak nang lipo puta Bidyasing Bey pen David Hanse atum birta nangpale.

Leave a Reply

Your email address will not be published. Required fields are marked *

August 2012
M T W T F S S
« Jul   Sep »
 12345
6789101112
13141516171819
20212223242526
2728293031  
Archives