ADVERTISEMENT

This area is available for advertisement. Please contact for details.

Arnivang
Get Adobe Flash player

Karbi richo Harsing Ronghang aphan kepadam aphuthak ning ingsamse: Asopo pen adon-arap

Diphu: Kedamtang Jangmi 18 arni men-men adap porphai 5 apor tongsekot Karbi richo aphan kepadamjui ke kopi apot ma pusi Karbi richo ahem asor lapen adon atum manghu prong lo. Seta aphi birta kachini ke Karbi richo, Benjamin Tisso aphan senem akleng bisar thekthe det apotsi Karbi richo aman kapadam pusi pachinilo. Bonta Richo aphan padam det pen la-an ajir kiding aphi ta akaprek abangphu atum ta bangso alam non pu anta ingsai dam thekthe. Tangte non ke komat lo kangsai dam nangpo? Kedamtang ningkan ko-an pen lone Karbi atum richo kave. Laso ajoksi Harsing Ronghang aphan Karbi richo paman lo. Bonta komatne kechokche ajok Karbi richo anghoi puthot kapadam thu lo. Lasi laso alam pen matham damlo pulote Kathar Bura Council atangka kechopanglim lapen bangso atangka mo puthot chipi thu nangkok na pu kamatha ajoksi Kathar Bura abang Harsing Ronghang aphan Karbi richo aphan pasuntuk lo pusi Harsing Ronghang asopo Rajen Ronghang akoi pi.
    Benjamin Tisso aphan kabisar dam thekthe det athe ke Kathar Bura amethang amatsi aphili apok pen lam kedokok. Lasi lason Benjamin Tisso aphan jongsi kangsai nangji pulote Kathar Bura aphan ta ingsai nangkok po. Laso kematha ajoksi Karbi richo Harsing Ronghang ke Benjamin Tisso aphan ingsai thekthe det lo. Benjamin Tisso kachoklem kechokche anparta Kathar Bura si kechokche kethe lang atheke alangli ke methang akorpi pensi dorap kok anpin lo.
    Kathar Bura aning kehang alingsi kachomathaji pu apot tahai lapen Karbi richo Harsing Ronghang dobom lang pulote Kathar Bura aning hang aling chomatha longle detji pu kapheresi lapuson asai keklem tahai pusi Rajen Ronghang akoi pithu.
    Bonta hako Karbi ajutang pen lang dam puseta Kathar Bura ke thang ta kachepahemphuji ajakong ave, bonta non apor Kathar Bura methang aron kali, ajakong chepaklang lo. Karbi kedam alam puthot chingvai nangji lang lapen jongsi akaprek richo kebatji aphan apun achak kechok abangphu kiri ahut jongsi mane abang richo nangcho det pulote netum Ronghang hempi atum pensi ingsaiji puta Harsing Ronghang asopo Rajen Ronghang birta pachetak.

Leave a Reply

Your email address will not be published. Required fields are marked *

August 2012
M T W T F S S
« Jul   Sep »
 12345
6789101112
13141516171819
20212223242526
2728293031  
Archives