ADVERTISEMENT

This area is available for advertisement. Please contact for details.

Arnivang
Get Adobe Flash player

Karbi arat Hemprek kachesong along Law & Order atum jakong nagkepabop dun: Laichan Ingleng; Sika. 20, 50 lapen 100 tangka kirung ajoine KSA ariso atum aphan police kenep

IMG_0760 Diphu: Indian Constitution kachari aloh along Karbi arat kelong nangji Article 244(A) ahemprek apharman non nangkeleji Paipai achiklo niphai 8-9 arni KSA Laichan ahamphang kachesong damji aphan chisiklo. Delhi kedamji aphan atumi Diphu ahithi along tangka kirung ahut bang throksi KSA, AISA lapen RYA ariso atum aphan police nep chek. Laso aphijong ke-ongdung KSA, RYA lapen AISA klembang atum Diphu thana along chekom dam rinti. Hemprek longletik netum sangse, loh charli ahamphang keklem-kedam aron along nangkiphri dun netum chechakche lapen hemprek apharman ivi iphik tame chipi detji pu angdi isivet pen kehang taramsi thana par-omplup. Laso aphuthak KSA ameiphu Laichan Ingleng pherangke atum angno kapachini ke Karbi Anglong hemprek apharman kachesong damji aphan tangka kirung alongta jongsi Law & Order atum nangkekhamkhedun mate nangkenep dun ke, Karbi Anglong hemprek kehang along jakong nakepabop dun lo. Karbi Anglong along arnivang lakh-lakh tangka kecho kepanglim kenep kanghu pen danglok tangka kehangtap atum aphan ke nep ingnang thekthe detsi hemprek apharman Sika 20, 50 lapen 100 tangka kirung KSA aphansi police atum ta nep ingnang thek chot. Alex Singh ason inut kacheparoka aronre pen Dillai adung Gate along arnivang lakh-lakh atangka kirung dun ke Police atum kenepdunji kali cherap dunthurong pusi KSA ameiphu Laichan Ingleng ningje. Aronre pen kenep KSA klembang atum aphan jongsi  lole pulote arni hothe pin choche junje asai dengji puta Ingleng asangho pachinithu. Bonta aphi kachesong ahir kapangtang rak ajok sai jokje police atum kenep atum aphan lo nangkok lo.

Leave a Reply

Your email address will not be published. Required fields are marked *

August 2012
M T W T F S S
« Jul   Sep »
 12345
6789101112
13141516171819
20212223242526
2728293031  
Archives