ADVERTISEMENT

This area is available for advertisement. Please contact for details.

Arnivang
Get Adobe Flash player

Bodoland alongle thak si Adivasi Land kaselamji aphan kehang

2 Guwahati: Ajir dingklui pen NDFB kempar asong atum separate Bodoland kehang kapasik angbong, isi   Adivasi klempar asong atum ta BTC angkang pen Adivasi land kaselamji aphan kehang pangcheng. Laso alam Adivasi klempar a jamjaisarpo pensi kapachetak. Alang kaningje ke, Adivasi Land amahang kapathekji aphan sodak pen Centre aphan pachini et lo. BTC along monit aphai lakh 30 do, laso angbong Bodo akhei lakh 12 lapen Adivasi lakh 9  do pusi laso amonit ningje.
    Adivasi klempar asong, pho ke non centre pen ceasefire do bom, lapen Adivasi Land amahang kapathekji aphan mang lo pu si ningje. Kedamtang Durmi arni Centre lapen  pho Adivasi klempar asong atum pen kechengsi kachingvai pado. Laso kachingvai amai along Joint Secretary (North-east) Shambhu Singh lapen Joint Additional DG, Khagen Sarma ta chetong dun. Pho Adivasi klempar asong Adivasi National Liberation Army (ANLA), Cobra Military of Assam, Adivasi Peoples’ Army, Birsa Commando Force lapen Santhal Tigers atum henlo. Song atum kaprek kemang alam kapaklang ke, Adivasi akhei aphan  Schedule Tribe (ST) avarsai kipi heihui.
    Cobra Military, commander-in-chief, Kanhu Murmu kapachetak ke, Adivasi arong Maoist atum nang kebohaji aphan kabor-i do pu alam Centre aphan pachinimek lo. Lasi Maoist atum bidi langno klemkle aprang prang Centre pen Adivasi akemang  kapachunji aphan ta than paklar pu. Halapu, BTC angkang along Bodo lapen Bodo kahei akhei angbong soluk atemon kejap aphuthak ta central pen kopene asai kedeng serakji aphan ta choningri.Song pho atum aphi Tribal Affairs Ministry aphan Shastri Bhavan along chetong dam.

Leave a Reply

Your email address will not be published. Required fields are marked *

BREAKING NEWS
July 2012
M T W T F S S
« Jun   Aug »
 1
2345678
9101112131415
16171819202122
23242526272829
3031  
Archives