ADVERTISEMENT

This area is available for advertisement. Please contact for details.

Arnivang
Get Adobe Flash player

Nabard pen nirep-nihang a state daon aphan RIDF atangka pabat thu lo, seta Assam lapen Tripura aphan kali

KOLKATA: National Bank for Agriculture & Rural Development pen Bhomti arni India nirep-nihang a state aphan RIDF allocation pabat thu, seta non adihu Assam lapen Tripura aphan amen en ponpe.
    RIDF mate Rural Infrastructure Development Fund ke bank ahin pen rong ajo kachingthur asai kedengji aphan kerap  dun avarsai.  RIDF pen Kuti 15,000 atangka non adihu deng pon lo, pinpurme kedamtang aningkan ke RIDF pen India nirep-nihang a state aphan Kuti 16,000 atangka kachingthur asai kedengji aphan panong. Bonsetame RIDF pen kapanong hem kethe amokha kikim aohan Kuti 2,000 pen Kuti 5,000 an tangka pabat lo.
    Pangrumpet langdam pulote India nirep-nihang angkang rong malom kachingthur avarsai kedengji aphan Nabard pen phant 18 atangka akele pabat. India nirep-nihang angkang kapachingthur henlo non government along kethenei asai kemon-e ke. Nirep-nihang state angbong Assam lapen Tripura ke kaprek a state pen asap chingtur chet. State throksi aphan kedamtang aningkan Nabard pen kuti 600 pen kuti 710 an tangka pabat lo.
    Central Government pen Nabard aphan si non amat jasemet ke rong malom kachingthur asai deng along parap dun toi. Arunachal Pradesh aphan kedamtang aningkan ke kuti 50 seta piningkan apharman ke kuti 169 an le lo. Lason thakthak Meghalaya lapen Nagaland aphan ta kuti 50 pen kuti 120 an pabat thu.
    Manipur aphan kuti 20 pen kuti 50 lapen Mizoram aphan kuti 40 pen kuti  70 an pakam. Nabard pen piningkan Assam aphan ke kuti 210 si panong, seta kedamtang aningkan ke kuti 330 long. Tripura ta piningkan ke kuti 50 vet kelong, laso aprang aningkan ke kuti 75 atangka long dun.
    State atum aphan tangka kipi kapaong ke asitin a state koan si rong along kachingthur asai kedeng ma laso ateng langdam si Chiti achiklo lahai a state aphan puthot aningkan apharman tangka kipi nangji aphan kachesik pusi Nabard chairman Prakash Bakshi ningje.

Leave a Reply

Your email address will not be published. Required fields are marked *

May 2012
M T W T F S S
« Apr   Jun »
 123456
78910111213
14151617181920
21222324252627
28293031  
Archives