ADVERTISEMENT

This area is available for advertisement. Please contact for details.

Arnivang
Get Adobe Flash player

Cartoon alamki athe kelong: NCERT bidisar barim asaihem Pune along ketet dam

1PUNE: Det chari aloh – Constitution ketok abang BR Ambedkar a cartoon pen lamki kedo ajok arpu pen kisun tanf NCERT abidisar Prof Suhas Palshikar asaihem Pune along monit abitung dam amat phangho dam. Bhomta arni si Rajya Sabha lapen Lok Sabha along laso aphuthak kahuri lang. Karlitang Ambedkar aphan kheiso atum anokbe pusi aman chepi, sunglor penke Dalit atum aman pipik.
         Police ateng ke asaihem kapangho dam amonit atum aphan ke Palshikar amena si cartoon aphuthak kachingvai aphan kepha. Aphi ke kopine athe pen saihem along kedo inghoi amokha phangho tekang. Asaihem kedo ke Pune University apai arlo.
         Lam along thang ta Palshikar pho dunde pusi police pachinithu. Bhomta arni parliament along penang an huri lo. Hem amai kangni patikuk det an.
Katumpra aphuthak Republican Panther of India si adei chedeng lo pusi lamjai sarpo pachini. Dalit atum anokbe aphan lason a cartoon kasemar ke "amahang kehang" pusi jongdam. Laso alam pen bang kethom atum aphan police nep ingnang lo.
          Pune University a Department of Politics akehoi barim Palshikar Parliament along laso aphuthak kahuri ajok arpu pen sun lo, laso aphuthak HRD Minister Kapil Sibal pen chokche det lo, diya chohang lo pusi ningje.
         NCERT anghoi pen kisun ahut Palshikar pen parliament ahem humni along kahuri aphuthak "ning-oi meme" pusi pu dam. "Democracy along ninghang aling kaningjeji aphan dim jum bom tang lo," pusi jongdam.
        HRD Ministry pen keseng a Textbook Development Committee along Palshikar klembang arpu deng dun, Class XI aphan kapanong social science textbook alongsi lamki kedo-i a cartoon kedo. Political scientist Yogendra Yadav, committee along bidisar kehoi, alangli ta arpu pen sun et lo. Lapu parliament along Opposition atum penang an laso alam pen huri.

Leave a Reply

Your email address will not be published. Required fields are marked *

May 2012
M T W T F S S
« Apr   Jun »
 123456
78910111213
14151617181920
21222324252627
28293031  
Archives