ADVERTISEMENT

This area is available for advertisement. Please contact for details.

Arnivang
Get Adobe Flash player

Assam along rihing ame kadure

1Guwahati: West Bengal along kedamtang arni temon kethek ajok rihing ame archokpi hini kaheno, anparta Assam along hydel project lapen thermal project pen rihing ame kelong kadure ajok non malom Assam state angkang rihing ame kadure ahir tan pik.
    Arni kangsam pen ajo porphai 11 apor an Assam along 1100 MW rihing ame nangji seta non kelong ke 403 MW anvet pusi rihing ame kelang kapatirpi asaiphu atum ningje.
    Assam along hydro lapen thermal project pen rihing ame kelong kadure chot ta kali bonta West Bengal, Jalpaiguri district along Aru 2 arni temon kethe ajok rihing ame anujokpi hini kebop lap pen penang kasiksak do tang lo. West Bengal pen amat si Assam aphan 300 MW rihing ame long.
    Assam along thermal project aphan gas kapale kadure, anparta hydro project aphan langroi alang kadure ajok kasiksak bat tanglo.
    Laso kasiksak ajoine Assam Power Distribution Company Limited (APDCL) pen rat aphan rihing ame kipi akele pajum nang kok puta APDCL asaiphu atum pachetak.
    West Bengal along rihing ame anujok kaheno hini nithom angbong kaselam tang lote asap kejok dopo seta Assam along kedor lim arve jangje tik ke laso kasiksak do bom alang puta APDCL saiphu atum ningje thu.
    State power department pen kapachetak ke Assam along rihing ame kadure Aru 12 an do alang pu. Isi alam jong dam me, Assam electricity act 2003 ateng pulote, rongsopi angkang jongsi rihing ame ghonta 4 sose me pipe pulote inuttin ta ghonta isi aphong tin along tangka Sika 5 long nangji lapen lake Sika 50 anta le ta thek. Halapu, rong malom jongsi rihing ame ghonta 24 sose ave pulote arnisi apharman Sika 20 rong asor long nangji. Anparta jongsi rihing ame don 50 along ave det pulote arnisi apharman latum Sika 5 long nangji. Non alam abang ke state electricity board pen lahai amonit atum aphan tangka chitu thekji ma?

Leave a Reply

Your email address will not be published. Required fields are marked *

May 2012
M T W T F S S
« Apr   Jun »
 123456
78910111213
14151617181920
21222324252627
28293031  
Archives