ADVERTISEMENT

This area is available for advertisement. Please contact for details.

Arnivang
Get Adobe Flash player

NSUI atum KKC along Inter School Quiz kibi

Kheroni: Hamren Sub Divison angkang (KKC) Kheroni Kopili College along atumi adap porphai 10 apor pen Rongkhang Block NSUI lapen Kopili Mondal NSUI Unit atum chelangpetsi kechengsi Inter School Quiz lapen ri-hi (Drawing) kachepate kibi. Kachepate along Hawaipur Baptish English High School, Langmepi, Kheroni, Donbosco, Priloo, Shildubi High School pen danglok penang High School loh charli ariso-ejang atum kachepate alongklam along chetong dunsi chepate dun rinti.
     Laso ahut karju kachethak mate Quiz kachepate along kechengsi anong-e Kheroni Donbosco High School, adunthu Hawaipur Baptist English High School lapen kethom angdeng Adarsha Hindi High School atumsi nong-e long dun. Anparata sonsi ri-hi (Drawing) kachepate along kechengsi anong-e Hawaipur Baptist High School pen Pulabi Hussain, adunthu Kheroni Donbosco High School pen Rahul Pator lapen kethom angdeng Shildubi High School pen kachepate dun Agustine Inghi si nong-e longdunlo. NSUI Kopili Mondal Unit ameiphu Joyson Timung kachepahemphu amai along Rongkhang NSUI ameiphu Mongal Terang si alohi pachini. Mei along alohi sarpo man-peng pen No. 20 Baithalangso MLA Dr. Mansing Rongpi, alohi aman pen Kopili MCC ameiphu Joyram Ronghang, MCC chunbang Chotrasing Teron lapen penang manpeng kedo atum kethe-kiding atum chetongdun.

Leave a Reply

Your email address will not be published. Required fields are marked *

May 2012
M T W T F S S
« Apr   Jun »
 123456
78910111213
14151617181920
21222324252627
28293031  
Archives