Guwahati, Christian Basti along hem meh kecho ingje thang

Guwahati: Bhomti arni Guwahati, Christian Basti angkang edon ahem meh kecho pen hormu hortar nahok lap lo. Laso ahem ahemphu ke Rani Begum, ahem kangtui ingdeng kethom do lapen ingdeng hini along ke NEF college aphan isi private hostel ta do. Rani Begum a building kelang pi abangphu inut Bhaskar Bora si laso a hostel ta kelang chari dun dun. Hostel along pangrumpet bang 18-20 bak charli osomar atum do. Osomar atum adap college aphan bar jui aphisi laso a hostel meh kecho. Me pen kachedan asaikhi atum meh kapamepji aphan bor-i pik lo seta ame ade kethe pik ajok menmen paham un-e det. Me kecho pen hem ahormu pen danglok hostel along kedo osomar atum ahormu, kitab,pe-choi,laptop lapen kaprek kaprek ador kedo ahormu amokha anta cho pon rappet lo. Loh charli a kitab kanahok pen danglok ador kedo ahormu amokha ta meh kecho det ajok osomar atum ning honduk do lo. Halapu, Bhaskar Bora pen kelang chari a hostel aprang pen ta permit ave pin si hostel kibi. Loh charli osomar atum kaningje ke, laso a hostel along rihing ame kipi kememe ajoksi meh kecho pusi akoi van. NEF college private hostel along kedo doan a osomar ta Assam angtan pen kevang atum saide.