ADVERTISEMENT

This area is available for advertisement. Please contact for details.

Arnivang
Get Adobe Flash player

Deramukam PHE Water Supply Scheme alang jun longle lang

16042012559-small Kheroni: Hamren Sub Division angkang Kheroni PHE Sub Division kaparlo Deramukam Water Supply Scheme rat apharman pura pining pen ningkan 13 aprang lo kaselam. Setame pini arni anta Deramukam Rongman arong Thepli Aram lapen Teron arong arat lang ejoi ta jun long vangve lang. Lang kijun longji kalisi PHE asaiphu/khi atum kelang kapangkreve ajok langkapale-iji alangpong anta heno thai lo. Chokamar aboha (Staff Quarter) along anta rikang jirhup si do khangjang lo, bangso Water Suppy Scheme kecheng malom pen jongsi rat aphan kijun alang pi bom asonte, elongnat ta kaheno athai ave detji apotlo pusi haladak arat pherangke kahumri dam ahut nangthan dun rinti.
       Anparata pining aningkan nilo kithur adihu rat atum kijun aphan lang kadure pen danglok chinglu-chingthi aphan anke joikeji apotlo puta ningje thu rinti. Lasi halabangso PHE Scheme puthot selamthu pen rat aphan kijun aphan mesen alang keron kapachetang serakji aphanta KAAC EM i/c PHE Bidya Sing Rongpi aphan choningri alamthe chepaklang rinti.
     Pinpur damme, bangso PHE Water Supply Scheme jongsi kaselam patang det pen lang kelo pangcheng phit asonte rong 10 sose arat atum kijun aphan lang kadure akisung pen jok chitji apotlo lapen langkelo alangpong setame henone detji apotlo. Setame PHE asor pini arni amethang kachoklem kechokche det ajoine rat atum kisung pho nangkok lo lapen lang kelo alangpong ta heno nangkoklo puta ke-ongdung arat pherangke angno ningjethu rinti.

Leave a Reply

Your email address will not be published. Required fields are marked *

BREAKING NEWS
April 2012
M T W T F S S
« Mar   May »
 1
2345678
9101112131415
16171819202122
23242526272829
30  
Archives