ADVERTISEMENT

This area is available for advertisement. Please contact for details.

Arnivang
Get Adobe Flash player

Nok katiki aphuthak seke kipi

Hamren: Socheng MAC Constituency angkang Makoiram LP School along Agriculture SDO, Large Size Mechanised Farm Khroni lapen KAAC kacherap pen nok (Sugarcane) katiki aphuthak seke amai ingni.
      KAAC Chairman Rupsing Teron kachepahemphu amai along alohi sarpo aman pen EM Mangal Sing Timung, man-peng alohi Hamren SDAO R Kemprai, Kheroni Farm Suprintendent Dr. M.K Boragohain pen danglok kaprek-kaprek adim pen Agriculture asaiphu lapen kado-kave bang pharo 1 sose arat chetong dun.
      Mai along kachetong dun Agriculture asaiphu atumsi kachetongdun arat atum aphan nok ke-e, karche pen danglok kalana nangji aphuthak penang an alamthe kethan kemum do. Son thak-thaksi mai along kachetong dun alohi sarpo EM Timung asangho kaningje, ‘nelitum adontin aphan ta chiri isi nok kapatikiji aphan varsai piji lapen nok kesor-i a machine ta piji. Anparata laso angbong pen ahoi kedo arat atum aphan kipi pa-ong muchetji. Nelike kaike ta kachingthur aphansi sai kedeng ningkehang lapen un-e pen kipi pajir pachetang lap thekji aphansi kabor-i. Setame nanglitum hem chechak lun pulote kachingthur amo pen danglok govt. pen nangkele ason anta hem along ke methang nangchethon kok kelo. Laso aphan nanglitum methang cheroktok pen saihem an dam nangji. Anparata nanglitum aphan neli un-an pen nangrap po, alar nanglitum ta kilik ahut vote nang kejok ahut nangmatha nangpo’ pusi jai lo.

Leave a Reply

Your email address will not be published. Required fields are marked *

April 2012
M T W T F S S
« Mar   May »
 1
2345678
9101112131415
16171819202122
23242526272829
30  
Archives