ADVERTISEMENT

This area is available for advertisement. Please contact for details.

Arnivang
Get Adobe Flash player

Dr. Robindra Teron aphan karcho

DSCN0649 Diphu: All India Karbi National Assembly (AIKNA) chepatirpisi atumi Diphu rongsopi Karbi Lamet Amei asaihem along nonhet jong Karbi akhei anglum pen puthot Ph.D kachepa-un dun Dr. Robindra Teron aphan atumi karcho asai deng. AIKNA bidisar lapen KCS sankur chunbang Sai Sing Rongpi kachepahemphu karcho amei along KSA mahang kapathek cheng ameiphu Protap Ch. Tokbi, KCS ameiphu Chandrasing Kro, KLA ameiphu Khorsing Teron, AIKNA bidisar Tepong Hanse atum alohi aman pen chetong dun. Kepaphihup Karbi akhei aphan tok lang anatthu kapaphrang atovar keja mate Karbi akhei arat ahirjume pen non hetjong Ph.D a degree kachepa-un dun Dr. Robindra Teron aphan atumi AIKNA atum man peng pisi Karbi Jambili athon, nong aloh (Certificate) lapen Karbi apoho pen archo. Lason thak-thaksi khei apharman karjap KLNLF, Ex. UPDS Welfare Society, loh charli asong lapen hamphang asong atumta archo dun. Karbi akhei angbong  pen alanglita inut tokbor anatthu kachepaduk lapen ning kachepaningding ajoine pini arni alangli a methang aphan det kali Karbi akhei aphan mahang paklar lo. Non kithurmi ove kimi atum aphanta alangli Teron asangho tovar keja asonlo pusi KSA mahang pathek cheng ameiphu Protap Ch. Tokbi alohi alamthe along lam jai. Karbi ta isi khei barim, jutang-jubat elam-eki ingcholim lapen kethek-kere anatthuta kengkam kachejor dun pahi dunde lo. Tokbor anatthu pen danglok jutang-jubat kepaklang dunthek ser ajok akaprek akhei atumta man-peng pen nanghoksi dim klong nangpeklo. Assam govt. atumta Thangthang achiklo niphai 16 pen 19 arni apharman ke Karbi  Riso Nimso rong aje pu Calender along kehok pon pangchenglo lepn nonhet jong KAAC Art & Culture asaikam kepangdak Rangsina Sarpo anong-eh kepajirji pu alam KAAC Art & Culture asaikam aphan lapen Assam sorkar aphan KCS ameiphu Chandra Sing Kro mei along kurvangthu lapen kachoro pajir. Pinpurme, kedamtang Karbi akhei angbong pen Ph.D kachepa-un dun Phukon Ch. Phangcho, Theso Kropi lapen nonhet jong ke Dr. Robindra Teron, non an bangkethom plengtanglo. Alanglitum mo-mo ta Karbi akhei aphurkimo along amen chethang dun ver po puta jai.

Leave a Reply

Your email address will not be published. Required fields are marked *

April 2012
M T W T F S S
« Mar   May »
 1
2345678
9101112131415
16171819202122
23242526272829
30  
Archives