ADVERTISEMENT

This area is available for advertisement. Please contact for details.

Arnivang
Get Adobe Flash player

KSA (Inglongpho) meiphu kimi: Harson Rongphar; ‘Netum drug kecho a-osomar kali’

 

Diphu: KSA CEC (Inglongpho) meiphu kimi Harson Rongphar lapen Sankur Chunbang ke Budheswar Rongpi henlo pusi kapachetak aloh pen nang pachini.
Kedamtang penang arni pen kacharvosai KSA (Inglongpho) klembang atum angbong pen hamphang isi Jangmi niphai 24, porphai 3 apor pen KSA CEC asaihem along mai kapado ahut si Harson Rongphar lapen Budheswar Rongpi atum aphan arpu pek lo.
        Durmi arni mai kapado along Harson Rongphar mai kachepahemphu pen keja along Harson Rongphar aphan meiphu lapen Budheswar Rongpi aphan sankur chunbang arpu pek lo. Rongphar aphan ajalin kedeng a-KSA klembang atum pen Teron aphan sai kedeng kechokche, kali-kalang ingsai pame-me si song along kacheparoka pusi akoi van lo.  
         Mai along lamrai kedeng son phli- 1) Harson Rongphar meiphu arpu deng lo lapen Budheswar Rongpi aphan ke sankur chunbang arpu pek lo; 2) Jalin akimi atum ateng si hamphang kapaklar lapen song kapangtang lapen kapasajir asai dengji; 3) Hamren Sub-Division, Khanduli, Tado Aklam along kapadoji Ingdeng 4, KSA amaipi pado nang, seta Bidya Teron akeja pen kali, lapen 4) Jat ahin tame Karbi Anglong apharman klem ponji, sunglor penke loh charli ahin.
Penang arni pen Bidya Teron aphan kekhamkhe KSA klembang atum aphan “drug kecho a-osomar, song klembang atum kali,” pu akoi kipi ke ahok kali pusi ihin pen pachini. KSA CEC asaihem, Diphu along KSA klembang ajahak atum mai kapado long, laso amai along ajalin kimi kangvai long aphan thang ta kipu dun thekthe det ke maiphu ‘barim’ Bidya Teron aphan kedengde pame lo pusi ahin-ahin pen ningje.

Leave a Reply

Your email address will not be published. Required fields are marked *

April 2012
M T W T F S S
« Mar   May »
 1
2345678
9101112131415
16171819202122
23242526272829
30  
Archives