ADVERTISEMENT

This area is available for advertisement. Please contact for details.

Arnivang
Get Adobe Flash player

Khatkhati ke Industrial Area manpo

Bokajan: Karbi Anglong pen Nagaland alongri ahoi adung kedo Khatkhati ke Industrial area man dappo pusi pherangke katarlip kahumri dam pen lakha lo. Khatkhati angkang non ningkan 20 anbaksi dolang seta chingthur vur vur asonsi thek long. Ehin anatthu lang dam pulote lahai kachingthur ke Nagaland, Dimapur pen kevang thetan beha akurupo atum saide, athe Nagaland ke NSCN a tax pen kedo kangthakso ajok haladak kedo beha akurupo atum Karbi Anglong Khatkhati alongsi ongdung thetan alongle namsi thedung-dang akor nangkim nangrang lo. Jongsi hor ke-er a factory, tyre factory, packaging, achar factory, Lisu factory heihui lakha un-eh a factory arni-arni nang kim nang rang bom lang. Laso pen lang pangbar dam lote Industrial Area nang kemanji ke derde lo. Seta isi ning ke-oi meme alam abangke Karbi atum abangke methang alongle penang chejor rinti lo. Mo arnisi rongsopi nang kemanthu anke Karbi atum anke alongle phelangkave detji angring thetan. Athe hadak kedo a Karbi atum SGB pen mondol atum anta kaiketa longle kachojorsi kaiketa chonpro si thek long. Lasi Karbi atum longle kachojor pen ning chelar nangpo athema aphi kedo athai ave lo inglong anta Kuki atumsi dothip lo, lasi lake ahok manji pusi thek-re atum ningje.

Leave a Reply

Your email address will not be published. Required fields are marked *

April 2012
M T W T F S S
« Mar   May »
 1
2345678
9101112131415
16171819202122
23242526272829
30  
Archives