ADVERTISEMENT

This area is available for advertisement. Please contact for details.

Arnivang
Get Adobe Flash player

Karbi Bhavan kikim non ateng pulote ningkan 2 ta ingthangthe: GGKSA

DSCF0738Guwahati: Guwahati arongsopi, Silpukhuri Goswami Service adung along non kikimbom Karbi Bhavan GGKSA pen ningphophe athe laso a Bhavan kikim a contractor Madhab Borah lapen arisangho atum klem pameme det. Contractor abang ke-ongdung ale kacho-enji aphan alangli bidi langno klemlo lapen kikim ahormu kenangji ason anta ador kijum ahormu si nang nangpale varet pusi GGKSA pachethang chunbang Bamonkiri Rongpi birta nangpale. Ahok alam kapatiniji aphan GGKSA abitung Bhavan kikim bom adim dam lo lapen kahumri dam ahut penang an ahormu ke heno pusi hadak kikim bom abangphu atum amat ta nangpachini dun. Kahumri dam abitung along kidun  atum ke GGKSA bidisar Ranjit Teron, sankur chunbang Biswajit Timung lapen arisangho atum. Labangso alam GGKSA pen contractor Borah aphan karju patektok lo, bonta alangli kethak ke  lahai alam ke Er. J. Katharpi si chini lo pu akoi arvak rong amat alangli kachepajokji asaisi klem rong lo. Bonta GGKSA ke bangso asai langno khamkhe dun vekji athe khamkhe dunde pulote bangso a Bhavan ke ningkan hini-kethom bakta arjapje. Jongsi alangli Borah lapen bangso asai along adai kedo abangphu/phi atum lason asailangno ingtonte pulote GGKSA pen chesongji pusi GGKSA ther. Arpu kedo atum aphanta bangso asai along kachelangdunji aphansi GGKSA choningri. Non apor kedo ahutle chelangdunde te mo kikim tangdet aphi ke ale ave puta GGKSA pachethang chunbang Bamonkiri Rongpi pachinithu.

Leave a Reply

Your email address will not be published. Required fields are marked *

April 2012
M T W T F S S
« Mar   May »
 1
2345678
9101112131415
16171819202122
23242526272829
30  
Archives