ADVERTISEMENT

This area is available for advertisement. Please contact for details.

Arnivang
Get Adobe Flash player

53 angdeng All Assam Senior Men & Women Inter-District Hockey Championship angdung kiti

1Diphu: KASA kapathu aklam along Jangmi niphai  9 arni pen 11 arni an nithom apharman 53 angdeng All Assam Senior Men & Women Inter-District Hockey Championship 2011-12 nangpajut lo.
    Kejutsi mate angdung kiti arni 53 angdeng All Assam Senior Men & Women Inter-District Hockey Championship 2011-12, piningkan apharman pinsomar (Men) -Nagaon lapen Tinsukia angbong angdung kiti chepate lo.  Arlosomar anatthu Tezpur lapen Nahorkatia angbongsi chepate lo.
    Pinsomar (Men) -Nagaon aterank lapen Tinsukia angbong angdung kiti kachepate along  pupu aterank ta ketheng kethek  soi-sai ajok 1st a half  ahut goal hini-ni chetheng lo. 2nd half ahut Nagaon aterank abangphu atum kachetingpik ajoine goal isi Tinsukia aphan thengchok lo. Bangso kethengchok pen Nagaon aterank 53 angdeng All Assam Senior Men & Women Inter-District Hockey Championship 2011-12 anong-eh chepalong mate amenchethap dun lo.
    Halapu arlosomar anatthu Tezpur lapen Nahorkatia angbong chepate lo. Terank hini ta kangtang rak ajok penang-an kachepakan pado. Bangso angbong pen Tezpur kapathu animsopi kejut po pu apor ahut bor-i bor-a pen goal isi Nahorkatia aphan thengchok lo. Tezpur animsopi goal isi kethengchok pen Nahorkatia aphan parem det si 53 angdeng All Assam Senior Men & Women Inter-District Hockey Championship 2011-12 anong-eh chepalong dun lo.
    53 angdeng All Assam Senior Men & Women Inter-District Hockey Championship 2011-12 kapathu esek arlosomar (Women) anat Best Discipline anong-eh kelong ke Sibsagar lapen pinsomar (Men) ke Karbi Anglong atum si Best Discipline anong-eh chepalong. Beset Player of the Tournament  arlosomar (Women) Tezpur animsopi Jharna Khound si chepalong dun lapen pinsomar (Men) Nagaon aterank abangphu Biring  Teron si kethek anong-eh chepalong dun.
    Jangmi niphai 11 arni KASA pathu aklam along 53 angdeng All Assam Senior Men & Women Inter-District Hockey Championship 2011-12  angdung kiti amai along aloh sarpo Parliament secreatary Govt. of Assam lapen  Hockey Assam dun meiphu Bidya Sing Ingleng, Director of Sport Assam Dr. Subhas Basumatary, KASA ameiphu Mongal Sing Ingti, Diphu SP BB Chettary, KASA dun meiphu Monsing Rongpi, Lowrence Teron, Hockey Assam sankur chunbang Topon Das lapen penang-an kethe-keding atum chetong dun rinti.
    Alohi sarpo Bidya Sing Ingleng arideng pensi 53 angdeng All Assam Senior Men & Women Inter-District Hockey Championship 2011-12 anong-eh pinsomar (Men) atum aphan pajir dun. Arlosomar atum aphan KASA dun meiphu Monsing Rongpi si 53 angdeng All Assam Senior Men & Women Inter-District Hockey Championship 2011-12 anong-eh pajir dun.

Leave a Reply

Your email address will not be published. Required fields are marked *

April 2012
M T W T F S S
« Mar   May »
 1
2345678
9101112131415
16171819202122
23242526272829
30  
Archives