ADVERTISEMENT

This area is available for advertisement. Please contact for details.

Arnivang
Get Adobe Flash player

PAPA pen KAPP kachekak;PAPA aklai kachephri kecheng

Diphu: PAPA pen pajirpo pelo pu akido atumi Karbi Anglong People’s Party (KAPP) a Meiphu Nilambor Rongpi PAPA a Meiphu Horen Sing Bey aphan ketok pen pachini. PAPA pen KAPP kachekak athe kache-o aloh along kapaklang ateng ke 11 angdeng Karbi Anglong Autonomous Council kilik chiklo jon thom pleng et aphita KAAC kilik kerem-kehai amai padode. PAPA a meiphu, chunbang atum kedoklip ajoine KAPP atum ning kachethe heihui alamthe pensi PAPA pen KAPP kachekak pusi kache-o aloh along KAPP a meiphu Rongpi PAPA a meiphu aphan pachini. PAPA pen KAPP atum pajirpo pelo pu alam Donkamokam along There 26 arni KAPP tongsekot amai alongsi laso alamthe cheparailo puta Rongpi pachetak. KAAC kilik jut det pen PAPA along kacherap asong aphan PAPA a MAC atum mai miting kedorapji ke aphi lam, phun-phan pen kahumri anta ave puta KAPP atum akoi van. UPDS-Govt. monsam alamdon kachetokji aphan Diphu Club along PAPA amahang pathek lo. KAPP, NCP, BJP, AGP lapen hamphang asong anparta Karbi Anglong along kedo Khei 12 ahamphang chingri dun pen 11 angdeng Karbi Anglong Autonomous Council kilik ahut PAPA abangphu bangphi atum aphan vote jok lo. PAPA alamma akengri rachari asong lapen hamphang asong isi alun isi ate-ot pen kelun padolo lapen UPDS lapen Govt. angbong MoS pachetok pin asai klemlo. PAPA ke UPDS-Govt. monsam alamdon chetok det pen kepratji aphan kali. MoS chetok det pen PAPA kachekak pu aphan ta kali. MoS achektin kapachunji aphan si PAPA kemang. KAAC kilik jut det pen PAPA amai kepha haihe ke PAPA along kacherap dun asong aphan kapamanghu puta KAPP Donkamokam amai along bangphu atum aning arlo alam chepaklang rinti.

Leave a Reply

Your email address will not be published. Required fields are marked *

March 2012
M T W T F S S
« Feb   Apr »
 1234
567891011
12131415161718
19202122232425
262728293031  
Archives