ADVERTISEMENT

This area is available for advertisement. Please contact for details.

Arnivang
Get Adobe Flash player

Cong (I) atemon kapadoverji aphan sai kedeng

Diphu: Karbi Anglong KAAC a Constituency long 26 alongta Congress(I) atemon kapadoverji aphan cheroktok amai dangpon tanglo pusi Karbi Anglong District Congress Committee(KADCC) a Meiphu Sum Ronghang birta aloh along pachetak. KADCC a Meiphu Ronghang kapachetak atengke song cheroktok amai kedeng lapuson henlo- Therepo 29 arni Kopili, Rongkhang along Therepo 30, Langhin lapen Howraghat Jangmi isi arni, Mohamaya lapen Nomati Jangmi kethom, Borjan lapen Bokajan Jangmi phli arni, Sorupathar lapen Deopani Jangmi pho arni, Nilip lapen Duvarbagori Jangmi throk arni, Bithung Rengthama lapen Hamren Jangmi throksi arni, Duar Amla lapen Hamren Jangmi nerkep arni, Chinthong Jangmi sirkep, Socheng along Jangmi 10 arni, Amreng along Jangmi 11 arni, Socheng dhenta Jangmi 12 arni lapen Dhansiri along Jangmi 13 arni Congress (I) cheroktok amai kedoji arni adim pathik mek tanglo. Karbi Anglong along Congress atomon kapadoji aphan lapen M/P kilik aphan karlen pensi Song lapen Rat angbong lamthe kachemumji aphan sai amo kedeng kapado alam ta song a Meiphu Ronghang ningje. M.P kilik apor atengke 2014 aningkan si doji. Bonta 2014 aningkan nanglele aphrang M.P kilik dokok tahai pu alam pen Congress chepatir tanglo. KADCC pen cheroktok asai kedeng alam Bokolia song amai ahongjai pensi song a Meiphu Ronghang sai amo alam kejai pangcheng.

Leave a Reply

Your email address will not be published. Required fields are marked *

March 2012
M T W T F S S
« Feb   Apr »
 1234
567891011
12131415161718
19202122232425
262728293031  
Archives