ADVERTISEMENT

This area is available for advertisement. Please contact for details.

Arnivang
Get Adobe Flash player

Bohag Bihu arui Minister arpu kelarji angring; Khorsing Ingti pen-pen bangkethom a Minister angsong pen arum kehirji angring

Diphu: Asom Chief Minister Tarun Gogoi Delhi kedam pen Dispur nangchele rok aphi bangkethom-bangphli a minister aphan arpu pen kapahirji aphan sai cheparideng tanglo. Bohag bihu aphrang kali te aphi minister Khorsing Ingti, Social Welfare a Minister Akan Borah lapen Ahoi adui kelang a Minister Siddique Ahmed, la bang kethom atum aphan arpu pen kapasunji aphan Dispur along chethan hur-har tanglo. Dispur along birta keklang atengke Minister kelarji alam pen akimi a MLA lapen Parliamentary Secretary atum aning arlo kachehok atemon jap lo. Minister arpu kangthanji pu alam kachetak pen Minister atum langkethep a ok ason jon phro phra ason si do. Komat a MLA lapen komat a Parliamentary Secretary aphan tong Minister kebat pone-laso aphuthak Asom Chief Minister Tarun Gogoi apor aphan kanghong anchot lo puta song along songja atum pachetak. Ladak Joyram Ingleng kachari a Karbi Anglong Autonomous Council ta Bihu arui malom E.M banghini aphan Executive Committee (EC) along kaparlo ponji alam do. Ihin pen birta kelong atengke non kedobom a Chairman Rupsing Teron aphan E.M, nominated MAC Romesh Kr. Chauhan aphan Deputy Chairman lapen  Pradip Rongpi, Pradip Singnar lapen Dhansing Kro bang kethom pen inut aphan E.M kebatji aphan song amai avaikang along phongni-phongthom chingvai pon tanglo.

Leave a Reply

Your email address will not be published. Required fields are marked *

March 2012
M T W T F S S
« Feb   Apr »
 1234
567891011
12131415161718
19202122232425
262728293031  
Archives