ADVERTISEMENT

This area is available for advertisement. Please contact for details.

Arnivang
Get Adobe Flash player

Diksir pen Phukub abi along Karbi ok pru talondun

P3240161Vothatlangso: Aningkanvang ason thotsi pining lethot ha Karbi akhei ajutang nang keplang pen nang katalon bom vangbom ajutang non ove kimi mate akai-akai pen bangso angthun kaparengverji aphan pura Karbi jutang kachinghon atum ta Karbi Langpi aroi along puthot hiru pen ok kipru asai dengdun. Atumi adap apor pen Dikisir abi pen Phukub abi along hiru pen ok prusi ke ondung jutang kachinghon arat atum ok kipru along ok nepsi aning cheparong lo. Atumi ok kirpu along rat atum ason-ason arisim tokprok, lan heihui chepon dunsi ok ri dun rinti. Ok kirpu ahut riso-ejang atum ta buruk heihui ta chepon pen kachepanang pen kangnek apak-apak si aning kacheparong penang alon do.
    Ok kipru ke Karbi atum hiru pu isi athengpiso (Arong bihek, rikang ta nangnak) angkur phursi ha langroi amang anat pen arlong athak along ason bisi un an pam mate theng po anke lang along jodunbom titi. Hiru ke bikar, lang along jumdun po anke ok amokha mongsi thi po. Ok kiri thekthek atum lang parbip po ok nang nepsi lang athak nang kechon ahut ari, angho pen nang im omrui, akeng achimun heihui along nang ingkeprui si ok kevan-van.
    Ok kipru ajutang ke hakoko ahut ke Karbi ajutang along isi kethenai ajutang lo. Laso ahut isi kethetan alam abang ke rong arlo jongsi kur isi angbong kache en-chepangri pen lai senem do pulote tokprok pen ok ketok pu pathe pen lai senem kachoklem atum aphan kapathi amo kedeng kedo do ahut lo. Laso ahut lai senem amonit atum ke bangso apor ahut ok kipru karne pon pulote chechini lo latum ke apran dam po puke seta dun jokje.
    Ok pru arni rong chepeng si aklim-angphar, riso-ejang lapen arlenng kethe atum langroi damsi akesar-sar atum abang hiru pakhor pen ok kapalong oji aphan horbong arnam kipu pensi pangcheng po. Laso aphisi ok kiri amo klemji. Kelong an a ok ta kiri chepadukvek atum aphant kaprek doji lapen abat kedo an a ok ke chethakprui titi.
    Non one kimi ahut ta ningkan esek Karbi Langpi aroi along ok kipru dun ver ajok lang-ok aphai nangjum bom tanglo athema ok atum aso kevang apor ahut chitsi ok kipru ta kachedai dun. Anparata halapu Karbi Langpi Hydro Electric Project akor kedo pen lang ketho ahokhe ajok ta lang a ok aphai nang jum bom puta kethek kachini atum chethansai. Angthek ke pini ta penang an ok kiri atum ke ok kelongle atum aphai si ke-ong lapen kelong atum setame ok kethe ke long vangve. Kelong atum setame lang a ok asomar saide.

Leave a Reply

Your email address will not be published. Required fields are marked *

March 2012
M T W T F S S
« Feb   Apr »
 1234
567891011
12131415161718
19202122232425
262728293031  
Archives