ADVERTISEMENT

This area is available for advertisement. Please contact for details.

Arnivang
Get Adobe Flash player

KSA Bokolia District Committee ameiphu kimi Mukhim Terang

Thekar 1Diphu: KSA (Roshan) ajakong chepangtangsi kachesong amo along jakong-horang kachepalongji pura atumi KSA Bokolia District Commiittee anarlo  porphai 12 apor Irrigation kesang ahem along arpu kachelar amai ingni.
          Mondol Inghi kachepahemphu amai along Mensing Bey si kachetong ariso-ejang angno klardak pen mai kepha alamte jai. Mai along kachopha alohi aman-peng pen KSA Tiripi Amei arap chunbang Babusing Ronghang, kapathu kachepahemphu abang Kangbura Phangcho, klembang Bibison Teron atum pen danglok penang an man-peng kedo charli osomar atum chetong dun. Non apor KSA ajakong non-an sose chepangtang thusi khei kisung-keboi aphuthak arjap kluksi ning isivet pen chesong nangpo. Pini arni ilitum khei kisung aphuthak si kachesong ingthur chot nangji kali, longri-longpat mate ahoi kacheraikom thekji aphuthak ta un-an arjap kluksi longri cheraikom dun nangpo. Kacharli anatthu bang kaprek-kaprek alongri atum ason kapaprang dun thekji aphan si un-an anutin ariso-ejang atum ta bor-i nangpo pusi mai along kachetong dun alohi atum jai rinti.
         Mai along arsikrung pen chingvai-chingsai det aphi aban a Committee prisi puthot akimi a Committee aphan bangphu ingvai lo. Kachetong ariso-ejang atum chedonsar pen KSA-BDC ameiphu arpu Mukhim Terang aphan si peklo. Sonsi chunbang Dewan Terang lapen bang 19 atum aphan klembang arpu peksi Committee kimi senglo. Laso ahut bang 150 sose armu chetong dunsi arpu kachelar amai along ardi pi dun.

Leave a Reply

Your email address will not be published. Required fields are marked *

March 2012
M T W T F S S
« Feb   Apr »
 1234
567891011
12131415161718
19202122232425
262728293031  
Archives