ADVERTISEMENT

This area is available for advertisement. Please contact for details.

Arnivang
Get Adobe Flash player

Karbi kan barim aphuthak seke amai kapajut

Thekar 1Hamren: Assamese akhei atum nahok apirthe along le som dun seta Bihu alun-kan kachetengne ne det asonsi Karbi atum ta charli dun nangji lapen nahokle do seta thekrep nangji pusi mai along kachetong dun EM Timung asangho jai.
        Sonsi mai along kachetong dun EM Rongpi sangho kejai ke, ‘neli KAAC along Art and Culture’ arpu dotik ke Karbi akhei ajutang kapachanji asai loksi dengji. Karbi atum ke Art and Culture asai keklem kang-ar ajok chengpi kithip aseke anta pi nangkok lo. Nimarli atum ta ongdung aphai pen kiphir-kethak kethekthe ajoine kiphir-kethak ahormu bang kaprek adet pensi van nangkok lo. Lasi kiphir-kethak anke thekrep nangji. Pinpur damme aprang Taralangso along ningkan isi pen ephong kiphir-kethak aseke pi bom. Seta ke-ongdung atum chetong dun thekthe det ajok seke en-dun long vangve detlo. Nelitum kedamtang ningkan 5 angbong Cultural Centre tin alongta seke kipi ajok ke ongdung atum seke longlo.
       Hamren Rangsina Hall along atumi adap porphai 11 apor ‘Closing Function of Karbi Folk Dance and Music Training’ mate Karbi kan barim, lun barim aphuthak Hamren Cultral Centre pen ni 12 apharman seke kipi kapajut amai ingni.
KAAC Chairman Rupsing Teron kachepahemphu amai along alohi aman-peng pen EM Bidya Sing Rongpi, Mongal Sing Timung, Deputy Secretary Dhaneswar Ingti, Hamren Town Committee Chairman Basa Teron, Habe Seng Teron, Hamren SP NN Goswami atum chetong dun.
      Mai along kachetong dun alohi atum arideng pen hum 50 Harmonium ron tekang. Jutang Chingthur Amei, Agriculture Namghor, Shiv Mandir PWD Hamren, Nepali Cultural Soceity, Kali Mandir Hamren, Than Rong Karbi, Hemphu Bamon atum pen danglok kaprek-kaprek atum aphanta Harmonium ihum-hum lapen seke ke-en kapajut nong aloh (Certificate) pi pajir tekang. 

Leave a Reply

Your email address will not be published. Required fields are marked *

March 2012
M T W T F S S
« Feb   Apr »
 1234
567891011
12131415161718
19202122232425
262728293031  
Archives